其實日本嘅情慾小說水準唔比歐美差，加上佢哋擅長描寫戀愛題材，令讀者睇得歡樂愉快，好似呢本由天之森雀著作嘅《鑽石菁英午夜指導》，正好體驗日本情慾小說嘅魅力。故事講述26歲OL女主角倉島奈奈美從未拍過拖，更遑論有性愛經驗，生活Dry到爆。直至佢遇到工作細心、交際手腕高超同善於同女性調情嘅男同事時田後，令佢春心大動，繼而同對方發生咗一次肉體關係。本嚟奈奈美只係諗住玩完就算，卻估唔到時田對佢念念不忘，仲希望能夠發展長遠關係。不過時田點都估唔到，呢位守身如玉26年，兼且同佢有過一夜情緣嘅奈奈美，原來心中另有所屬！另一方面，對於時田盲目嘅愛情，加上初次體驗後，奈奈美嘅身體經常發出渴求性愛嘅呼喚，兩人嘅關係變得撲朔迷離，最後兩人會發展成點呢？