有一家人，請一個菲籍女傭，月薪五百元，簽約一年，雖不懂煮中菜，但其他工作，皆能勝任，菲女少艾，芳齡廿許，是中學畢業生，曾做寫字樓低級文員。
上工兩個月後，與主人家中各人皆能融洽相處，菲女隨太太學講廣東話，學得「早晨」、「唔該」以及「請你等吓」等語句，所以聽電話都可以應付，凡對方唔講英語，佢就叫對方等吓，叫主人來聽。
男主人對菲女起痰，一晚，太太去街未返，對菲女曰：「我有一件事，坦白與你商量，你亦可以坦白回答，我十分喜歡你，想同你上床，每次有一百元回報，此乃我在外面付予女朋友之最高代價。」
菲女曰：「多謝，但我唔想賺，恐怕被太太知道，影響我與你們全家人嘅感情。」
主人曰：「有道理，不過我哋可以秘密行事。」
菲女曰：「都係唔好，但我可以介紹一個女朋友畀你，佢亦係菲律賓小姐。」
主人曰：「都好。」
菲女曰：「星期日放假，你可以選擇最安全嘅會面地點。」
主人曰：「最好在都會酒店餐廳，雙方同意，則到樓上開房。」
星期日下午五時，主人去餐廳等候，菲女果然帶一個小姐來，年約廿四歲，名叫莎蓮娜，菲女曰：「你哋慢慢傾，我走先。」
莎蓮娜曰：「我完全知道你約我來見面嘅事，我可以答應你嘅要求，但第一次上床，要收三百，以後每次一百五十。」
主人見莎蓮娜靚女，而且雙眼水汪汪，熱情洋溢，答應入房付款，於是一同上去酒店，一度春風，十分讚賞，問曰：「點解你嘅姊妹唔肯賺我嘅錢？」
莎蓮娜曰：「佢有未婚夫喺美國讀書，要留身以待。」
一九七五年四月二日