日本AV廠眾多，每間廠都有自己嘅特色，好似Attackers專門拍SM作品，Kawaii就最鍾意搵可愛美少女拍片，而Madonna主打熟女女優，而作為巨乳狂熱分子嘅我就最鍾意Oppai喇，事關O廠專門拍巨乳女優作品，廠內更加有四大波神，包括J奶Julia、H奶佐山愛、G奶神咲詩織以及強絕AV界嘅人間「胸器」O奶Hitomi！早前四大波神聚首一堂，為Oppai演出「冬之Oppai祭」，親身同廣大巨乳迷見面，當日四位波神去到位於秋葉原嘅M' Studio與數十位AV迷聚會。話時話，舊時樂壇四大天王同台演出都會傳出面左左傳聞啦，如今四大波神都獨當一面，人氣指數甚高，但係佢哋四個不知相處得幾咁融洽，全程有講有笑，仲搭晒膊頭扮火車畀大家照相添！唔通波大嘅女仔真係零舍好相與？
呢個「冬之Oppai祭」陣容相當豪華，有四位咁有名氣嘅波神同台演出，但係內容同一般握手會差不多，頭一Part先嚟握手環節，四位波神一字排開企晒喺台上同大家握手，之後AV迷可以獲得一份紀念品，就係上面有齊四位波神親筆簽名嘅紙板喇！淨係得塊簽名紙板咁小兒科？當然仲有四大波神嘅便服攝影會啦，當中佐山愛最識做，打扮火辣性感，露乳溝派福利畀大家，其他三位波神都着到密密實實，波罅都冇條睇吓。唔知係咪Hitomi感覺到AV迷唔多滿意，影影吓，突然拉開領口畀大家欣賞佢對震撼人心嘅O Cup巨乳，即時引起哄動！最後四女一齊換上金色及銀色嘅比堅尼上陣，讓大家都大飽眼福，班現場觀眾當中冇人暈低證明佢哋身體的確係夠晒壯健，唔怪得有研究話睇得巨乳多可以延年益壽啦！
撰文：賢