「賣你的性」都可以出書教學，莫非係叫人出賣肉體？梗係唔會啦！全書名《Sell Your Sex: How To Market Your Erotica And Romance Book On Social Media》，呢本書係指導大家想學人靠寫鹹古搵食，喺互聯網營商環境，點樣喺各大網站突出自己，一擊即中目標客戶？作者以過來人身份教大家如何喺各大社交網作宣傳，並非一本營銷天書，所以咪諗住睇完照跟會發達。咁睇嚟做乜？淨係講錢就睇乜都多餘，反而作者提出一點幾值得參考，就係想靠社交平台宣傳你嘅產品，例如色情小說，就應該對號入座，唔好浪費時間喺一啲色情審查太嚴嘅平台花工夫，更加唔使怕同場太多競爭對手，反而要着眼於智能營銷，即係點？買本睇吓咪明囉！