雖然近年日本AV女優經常都會舉辦公開活動，例如攝影會同握手會等，但係AV迷多數只可遠觀而不可以親近女優，最多都係握吓手或者企定定同女優嚟個合照咁大把。不過，早前就有一個絕佳機會可以畀AV迷接觸一下女優嘅胴體，就係一年一度嘅「摸奶救地球」活動喇！
由日本成人電視頻道Paradise TV主辦嘅「摸奶救地球」活動早前喺東京新宿Lefkada會場上演，活動嘅目的係為咗籌款響應世界愛滋病日。而今年一如以往咁請來AV女優坐鎮，只要有善長仁翁到達會場捐款支持活動，就可以親手摸一摸女優嘅胸部！上年有西村妮娜以及綾波真子兩位大波妹出席，咁今年又有邊位女優呢？就係有坂翼同今井由喇，雖然佢哋名氣唔大，但係佢哋嘅態度熱情又親切，而且上圍豐滿，相信一班善長仁翁都樂於捐錢，同時捐得相當開心又興奮！可能亦因為有佢哋坐鎮，善長們即使知道捐款一定要超過1,000日圓至可以摸一摸胸，亦一樣大破慳囊。
今年同上年一樣，善長們除咗可以摸一摸女優嘅胸部，亦可以摸埋男優個胸，上年出席嘅男優有小弟嘅偶像吉村卓以及服部義，而今年請來嘅男優雖然冇佢哋兩個咁出名，但係吸引力就高好多，事關黑黑實實嘅大隻男優望月以及偶像派男優健太兩個都十分靚仔有型，由佢哋獻出結實胸膛畀大家摸一摸，相信女士們一定滿意！當日嘅活動直到晚上7點正式結束，支持嘅善長人數有642人，至於籌得善款達588,647日圓，約40,616港元，比上年籌得嘅52萬日圓更多，希望來年繼續努力，再創佳績啦！當然搵多幾個巨乳女優增加吸引力就好上加好啦！
撰文：賢