雖然單純嘅情慾故事，可以喺短時間勾起讀者嘅情慾衝動，但若然要令讀者有追睇落去嘅動力，僅憑肉慾場面係唔夠嘅，一定要有精彩嘅主線劇情至得。嚟自美國嘅著名女情慾作家帕蜜拉‧克萊兒（Pamela Clare）就最精於此道，而透過佢嘅情慾懸疑小說《非法接觸》（Unlawful Contact），帶領讀者進入一個瘋狂卻又謎團處處嘅故事之中。帕蜜拉嘅來頭唔小，不但係前專欄作家及調查報道記者，更曾經係兩間報社嘅總編輯，獲得多個傳媒獎項，轉職成為情慾小說家之後，事業獲得更高成就。
《非法接觸》講述女主角蘇菲按採訪計劃，去到一間中途之家採訪女囚犯梅根，點知發現梅根帶埋自己嘅手抱嬰兒失蹤。蘇菲覺得事有蹊蹺，於是去監獄詢問梅菲在囚嘅哥哥韓特，點知韓特竟然搶去警衞嘅手槍，挾持蘇菲逃獄。原來韓特喺12年前已經認識蘇菲，當時化名杭特跟蘇菲熱戀。早已忘情嘅蘇菲，得悉對方係初戀情人亦嚇咗一跳，韓特同蘇菲分手之後就加入特種部隊成為狙擊手，其後因為一場陰謀而被誣告成為殺人犯。隨住跟韓特嘅逃亡生涯，蘇菲慢慢相信面前嘅男人係清白，同時一顆心亦蠢蠢欲動。究竟韓特能否喺被追捕前，搵到妹妹嘅下落，而當年誣陷佢嘅人真正身份又係邊個呢？一切都要同時間鬥快。
書名：《非法接觸》（Unlawful Contact）
售價：約HK$100
撰文：魂