有人辭官歸故里，有人漏夜趕科場，正當日本藝能界有好多女歌手為谷人氣而瞓身一脫，以豐滿身段拍攝水着寫真嘅時候，又有好多寫真女郎積極向樂壇進軍。見到寫真女郎多一條搵食路線，當然戥佢哋高興啦！但係小弟覺得佢哋喺寫真界明明發展順利，未必有需要放棄寫真事業而發歌手夢，嗱嗱嗱！又有一個寫真小天后鳥倦知還，再次喺寫真界活躍起嚟喇！佢就係童顏巨乳小天后篠崎愛喇！篠崎愛呢個名相信唔少男士都熟悉，因為不經不覺25歲嘅愛妹已經出道11年。愛妹天生一副純真無邪氣嘅童顏，同時擁有一對純天然極品G奶，喺寫真界一直人氣高企。