細味OL之魅

前名叫BG

原來每年嘅11月25日係日本嘅「OL之日」（OLの日），點解會有呢日出現呢？咁就要從1963年開始講起。話說當時日本習慣稱呼辦公室女郎做「BG」（Business Girl），但係喺英文中「BG」解做「Bar Girl」（酒吧女郎），有暗指妓女嘅意思。由於當時正值日本東京奧運前一年，日本放送協會為免外國人產生誤會，於是喺1963年9月12日將「BG」列為禁止用語。同年11月25日日本女性雜誌《女性自身》舉行投票，選出可以取代「BG」嘅稱呼，結果「OL」（Office Lady）高票當選，而呢日就被定為「OL之日」。不過大家要留意，「OL」係日本人用語，雖然香港同台灣受日本文化影響而被廣泛使用，但係外國人卻唔明乜嘢叫做「OL」，反而慣用「Office Worker」嚟稱呼辦公室女郎。

由於日本公司規定OL要穿着套裝、恤衫、絲襪加高踭鞋返工，甚至穿着OL制服，加上辦公室猶如困獸鬥嘅工作環境，故此令男士慢慢對OL產生唔同程度嘅幻想。有見及此，便出現唔少OL主題風俗店，同時出現以OL為題材嘅邪念寫真。

OL系泡泡浴

想了解OL對日本男士嘅吸引力有幾大，睇吓喺日本全國有過百間OL主題風俗店，就知佢幾咁有吸引力，而服務內容更係遍及各種類型嘅風俗店，不過講到最特別嘅卻要數呢間位於神奈川縣川崎堀之內嘅泡泡浴風俗店「妄想空間 Office Love」（妄想空間オフィスラブ），呢間風俗店嘅玩法係每位風俗孃都會穿着全套OL套裝上陣，為玩家提供香艷嘅按摩及洗浴服務，同時亦可以玩角色扮演遊戲，由風俗孃扮演性感女秘書服侍老闆。每個月風俗店都會推出唔同嘅主題活動，吸引好多玩家幫襯，難怪成為最高人氣店。

偷窺感極強

由日本出版社KK Bestsellers推出嘅《OL們的「聖域」》（OLたちの「聖域」），主題就更加直白，事關喺日本成人文化中嘅「聖域」，源自日本影像店中專門販賣AV嘅區域，由於顧客每當走入呢個區域後，都會沉默地低頭慢慢睇，因此獲得聖域之稱，而呢本《OL們的「聖域」》便正好道出寫真內容有一定嘅鹽度。雖然寫真當中並無露點，但係焦點放喺OL嘅裙底同心口，並以偷窺感極強嘅角度出發，帶畀讀者無限幻想，難怪獲得高銷量成績。

回味誘人姿態

辦公室猶如困獸鬥嘅工作環境，難怪苦悶嘅辦公室男士會有咁多幻想，而呢本由日本出版社Aspect推出嘅寫真《Office Lady Maniax》，雖然鹽度唔高，但卻獲得極佳嘅成績，精美嘅OL寫真固然係最大賣點，而每一頁嘅鋪排亦相當有心思。據出版社表示，辦公室男女喺公司努力工作，最大嘅享樂在於幻想，因此佢哋希望透過由早到晚嘅寫真相排列次序，還原OL日常喺辦公室工作時嘅情況，同時透過佢哋嘅動態，等打工仔可以回味OL嘅誘人姿態。

V Zone 誘惑

呢本喺2013年12月由日本出版社Intelfin推出嘅寫真《庶務2課OL們的V Zone》（庶務2課OL達のVゾーン），雖然係食住日劇《庶務二課2013》而推出，但卻並非一般嘅抽水作品，事關寫真相唔單止夠火辣，仲打住深入OL嘅「V Zone」標題，帶畀讀者充滿邪氣嘅視覺之旅。所謂「V Zone」就係透過高抄同低炒嘅角度，偷窺OL因深蹲時制服裙與大腿間嘅V形罅、V形開領恤衫下嘅迷人乳溝等，加上絲襪美腿，令男士嘅邪念推至頂峰。而呢本充滿妄想主義嘅寫真，全書由7位模特兒扮演OL，喺辦公室內擺出唔同動作，極之誘人。

大師級作品

有人話睇寫真梗係要睇大師級嘅作品，如果係咁嘅話，呢本由日本大師級情色攝影師橫山浩二喺去年推出嘅《Legs》（れっぐす），不論係畫面同寫真相嘅鹽度都可以滿足到你。橫山浩二曾經為多位人氣AV女優嘅寫真操刀，並且舉辦過多次成人攝影展，一向以展現女性秘密地帶卻又不失美感而著稱。喺呢本作品中，佢繼續貫徹呢種色氣濃重嘅風格，帶領讀者眼睛漫遊神秘領域，同時透過絲襪同高踭鞋，呈現OL美腿嘅誘人魅力。

撰文：魂