42歲熟女Aubrey Black，出道一年，演出過7部四仔，近日忽然成為IAFD網站嘅「Most Popular」脫星，坦白講佢冇乜人氣，難怪傳媒都要問句「點解嘅？」原來係靠吹水囉！成人傳媒發現Aubrey Black忽然喺美國、英國及澳洲爆紅，究其原因唔係佢夠正，亦唔係佢演出嘅四仔夠精彩，原來係佢早前接受網站訪問時，講到自己嘅身世好悲慘，仔女唔接受佢做脫星，但係為咗生活，Aubrey Black惟有堅持做落去，咁究竟佢拍四仔可以搵到幾多錢呢？Aubrey自爆話過去一年嘅收入有65萬美元，即係約507萬港元，之但係當今最受歡迎嘅熟女脫星Kendra Lust及Tanya Tate一年都搵唔到呢個數目，反而一個唔起眼嘅熟女就搵得到，難怪傳媒都非常懷疑Aubrey嘅可信性。咁又係，即使日頭做伴遊，晏晝做脫星，夜晚跳艷舞，都應該賺唔到呢個數目啦。不過，堅定流都冇所謂，多得傳媒報道，Aubrey Black今期就成為「Most Popular」脫星，家陣大家都記得佢個名，賺晒啦！