如果要令成人漫畫迷睇得投入又興奮，單憑巨乳女角色、肉搏同亂噴汁液嘅場面係唔夠嘅，因為欠缺角色嘅高潮淫相，好難令讀者產生共鳴。日本人氣成漫家土居坂崎便精於繪畫角色嘅淫相，而今次介紹嘅呢本成人漫畫單行本《Fool Girl》就係其代表作。
每位人氣成人漫畫家，都唔介意將自己嘅出道經過跟一眾粉絲分享，不過有部分卻唔會咁做，唔係因為佢哋想保持神秘感，而係因為佢哋係青少年向嘅漫畫家，為免影響形象，於是用另一個筆名創作成人漫畫，土居坂崎可能係其中之一。點解話係可能呢？原來呢位來歷神秘嘅成漫家，2004年首次喺成人漫畫月刊《Comic Moemax》發表作品，憑住出色嘅畫功及熟練嘅網地技巧而一鳴驚人，加上故事鋪排及情慾節奏上嘅掌控，絕非一般新進成漫家可比，因此引嚟成漫迷好奇查探，究竟呢位新進成人漫畫家係邊個，結果發現佢嘅畫風同一位專門創作青少年向漫畫嘅漫畫家Tenkla極為相似，兩人更互相套用對方嘅作品並加以惡搞，因此唔少人推測佢哋係同一人，而當事人既冇承認又冇否認，漫畫迷索性將佢哋視作同一個人。
土居坂崎喺2005年9月推出首本單行本作品《爆乳》，及後推出《Nakadashier》、 《Communication》，統統都獲得好成績，但係講到代表作，卻要數喺2010年6月推出嘅《Fool Girl》。
《Fool Girl》收錄咗10篇作品，分別係《熱情單槓少女》、《可疑的女子登門造訪》、《幻覺Dreamer》、《人妻千鈞一髮》、《對了！一起去澡堂吧！》、《半乾洗衣店》、《大哥哥告訴我！》、《Invisible Voice》、《對鄰座的深感興趣》及《No Spite》，有成漫評論家稱：「土居君以超強畫功將激烈淫樣展現大家眼前，帶嚟前所未有嘅心跳衝擊。」書中所收錄嘅作品固然個個都相當精彩，但係講到最值得推介嘅就係《半乾洗衣店》同《No Spite》。
《半乾洗衣店》講述巨乳女主角半夜去到自助洗衣店，見店內一個人都冇，心諗夜深時分應該唔會有其他人嚟洗衫，於是佢將身上嘅衣服除晒落嚟放入洗衣機清洗。正當佢悠閒地邊睇書邊等啲衫乾之際，突然有個後生仔行咗入嚟，佢見到女主角近乎全裸坐喺度，於是便有樣學樣除埋條底褲放入洗衣機洗，女主角見到又長又大嘅兵器，即時春心蕩漾，就係咁佢同呢個後生仔啪啪啪起嚟。
《No Spite》係個頗為悲慘嘅故事，講述男主角喺森林尋找草藥，卻被野獸襲擊，幸好得到森林內嘅黑妖精歐布絲‧裘莉塔幫助，成功脫離險境。男主角見歐布絲如此善良，便問對方可否幫忙尋找一種稀有草藥，歐布絲雖然討厭人類，但係佢最終都答應。點知男主角嘅哥哥竟然係個淫賊，趁住男主角離開便對歐布絲霸王硬上弓。原來歐布絲當年因為同人類偷嘗禁果，結果被族群驅逐，而發生呢件事後，佢更無顏面面對族人及少年，惟有選擇黯然離開。
書名：《Fool Girl》
作者：土居坂崎
出版：Core Magazine
頁數：218頁
撰文：魂