話咁快下個月日本AV界就有一個盛大嘅頒獎典禮上演，就係「AV OPEN 2017」喇！經過一段日子後，大會已經收集晒各AV廠提供作品參賽競逐10個部門嘅獎項。大家都知啦，參賽作品多數都係猛片，如果想先睹為快欣賞有機會得獎嘅作品，真係無從入手，咁點算好呢？唔使怕！因為3位宣傳大使已經做足準備，為大家推介猛片喇！
廣大AV迷熱切期待嘅「AV OPEN 2017」將於11月16日舉行，今屆一如以往有大量AV廠踴躍參加，一共炮製咗90部精彩作品競逐10個部門嘅獎項。一系列參賽作品固然值得欣賞，而今年被大會選為宣傳大使嘅3位天后級女優一樣睇得又砌得，包括G奶媽媽白石茉莉奈、上屆榮登7冠王寶座嘅高橋聖子以及前途無可限量嘅S1當家小花橋本有菜！3位女優除咗喺床上實力一流，人氣度亦名列前茅，除咗拍AV之外周邊工作亦相當多，然而佢哋喺百忙之中，亦冇忘記自己作為宣傳大使嘅重任，四出為活動做宣傳，更加抽空從90部入圍作品中選出5部佢哋認為最有機會得獎嘅精彩猛片，今日就同大家一齊嚟個大檢閱，先睹為快，搶先欣賞未來得獎作品！
碟名：《初心な親友に男をイカセるテクニックをVR指導》
主演女優：岩田麻衣、椎名美由
簡評：今屆一共有49部VR作品，主題五花八門，呢部《初心な親友に男をイカセるテクニックをVR指導》就最深得三后嘅歡心，異口同聲大讚拍得溫柔，予人溫馨感覺，由親和大姐姐岩田麻衣同可愛少女椎名美由通力合作，以充滿教育意味與細味性事嘅態度取悅男優，二人合作無間亦互補不足，體現出要令床戰精彩唔需要女優愈多愈好嘅道理，高橋聖子話睇完之後都感到無比快慰！
碟名：《AV史上初！360°3D映像！極上美女14人に困まれ前後左右全てから責められる超高刺激！》
主演女優：波多野結衣、大槻響、篠田由、紗倉真菜、古川伊織、推川悠里、宮崎彩、櫻木優希音、市川雅美、跡美朱里、椎名空、飛鳥玲、戶田真琴、桐谷茉莉
簡評：雖然剛才提到要令一部AV作品精彩度增加，唔一定需要大堆頭女優演出，但係白石茉莉奈就賣花讚花香，指出由佢所屬嘅AV廠SOD嘅VR重頭巨製作品可以話無與倫比，除咗因為演出嘅女優有佢嘅好姊妹紗倉真菜同古川伊織之外，仲有小師妹桐谷茉莉、飛鳥玲同戶田真琴，更加有人氣高企嘅波多野結衣等一共14位女優演出，更加花盡心思同財力拍攝，成為AV界首部可視角度達360度嘅VR作品，AV迷可以感受到360度被女優包圍嘅極上快感，簡直冇得輸！
碟名：《魔鏡一號In The World》
主演女優：素人女優
簡評：AV廠SOD今屆一如往年，喺競遂AV OPEN獎項方面表現得相當積極，呢部《魔鏡一號》最新系列作《魔鏡一號In The World》繼續採取車窗以單面玻璃製成，男女優於車廂內連番激戰，而車外行人卻懵然不知嘅刺激玩法，好悶？絕對唔會！因為今次魔鏡一號專車千里迢迢咁去到歐洲國家獵艷，從當地街頭物色質素超班又合日本人口味嘅洋妞上車演出，帶來新意之餘，亦為AV迷帶來西洋風嘅視覺刺激。另一方面，日本AV廠遠赴海外拍AV亦做法罕見，所以本作可以話係難能可貴嘅佳作。
碟名：《新人No.1 Style グラビアアイドル吉高寧AV解禁》
主演女優：吉高寧寧
簡評：S1呢間大廠睇起嚟就比較消極，因為廠方派出參與競逐獎項嘅作品只有一部，就係由超可愛整潔派新人吉高寧寧主演嘅《新人No.1 Style グラビアアイドル吉高寧AV解禁》喇！作為S1專屬女優，亦係寧寧師姐嘅橋本有菜表示雖然S1只得呢部作品參戰，但係可以話係坐定粒六奪獎，事關寧寧的確係質素超晒班，夠鮮嫩可愛，表現又夠羞怯，令唔少AV迷都回憶起初初睇AV時嘅感受，有菜仲坦言寧寧嘅出現直接威脅到佢嘅地位，但係茉莉奈就叫有菜唔使擔心，因為寧寧只得5呎1吋高，相比身材高挑嘅有菜點都輸蝕少少。
碟名：《Legend Impression 史上最強コンテンツで贈る奇迹の共演！240分》
主演女優：希崎謝茜嘉、天海翼
簡評：希崎謝茜嘉同天海翼呢兩位女優可以話係叱咤一時，經過多年喺AV界浸淫之後，無論係個人魅力、性技、演技都已經達到天后級數，白石茉莉奈提到兩人都不禁要向兩位地位超然嘅前輩致敬，更表示可以見到兩后共演，實在相當難得，如片名一樣堪稱傳奇之作，甚至能夠成為兩女一男混戰嘅教材！另外，三后亦不約而同表示，從作品當中可以欣賞到謝茜嘉同天海翼合作無間，默契十足，令畫面每個角落都充滿刺激性，嗒落有味！
撰文：賢