一切從救美開始

英雄救美呢個題材雖然老土，但正所謂橋唔怕舊，因此呢類題材嘅漫畫同輕小說一直都有市場，而最近十八禁遊戲廠Bug System推出嘅從良作《Haseman-The Local Hero-》亦大玩英雄救美題材。話佢係從良作真係冇誇張，事關遊戲中嘅英雄一反以往戰敗就被凌辱嘅下場，「清純」咗好多！

故事講述男主角大地升太郎雖然擁有高超格鬥技，但卻對工作一啲用處都冇，仲要照顧青梅竹馬好友宮寺蓮夏，因此只好每日辛勤地工作。某日突然有高等外星人降臨地球，卻墮進一班惡棍手中，升太郎誤打誤撞將外星人救咗出嚟，得知外星人名叫法菈‧佩雷魯莉茲，嚟自佩雷魯星，擁有一種名為「Muudo」嘅合體能力，當

法菈同升太郎合體後變成戰甲，力量同彈跳力都大大提升，不過，升太郎認為咁樣對生活冇帶嚟任何幫助，反而屋企多咗個外星人，更加要努力工作賺錢。冇幾耐，升太郎又遇到另一位同樣聲稱嚟自佩雷魯星嘅巨乳女郎吉魯‧佩雷魯莉茲，原來佢同法菈係死敵，當佢住埋喺升太郎嘅屋企之後，兩女外星人每日都喺社區內激戰，而升太郎每次都要出嚟調停，卻估唔到佢哋嘅戰鬥竟然大受歡迎，甚至計劃製作成為節目添！