日本藝能界近年有位美少女大紅大紫，佢就係有「千年一遇之逸材」之稱嘅橋本環奈。老實講，環奈妹雙眼又大又水汪汪，加上甜到漏嘅笑容，真係無比可愛！之不過，講到「千年一遇」，小弟就鍾意另一位，佢就係童顏巨乳美少女淺川梨奈喇！
日本寫真界出色嘅巨乳女優認真多不勝數，佢哋好多仲有一副甜美童顏，當中最出名嘅代表有篠崎愛！不過，近年篠崎愛意欲向樂壇大力發展，減少拍寫真，幸而有能力接棒嘅有唔少，好似前「仮面女子」成員天木純、青山光等都條件優秀且深得觀眾愛戴，不過未來佢哋嘅王者地位好可能受到一位重量「Cup」妹妹仔挑戰，呢位就係淺川梨奈。
梨奈今年剛剛好達到18歲之齡，正所謂「十八歲卜卜脆」，阿妹唔單止樣子純真可愛，而且整潔感十足，一副童顏更加被稱為擁有「壓倒性之存在感」。梨奈除咗美貌吸引，身材一樣吸睛，胴體鮮嫩之餘，唔似得班同齡妹妹仔咁肌膚一味白淨到令人覺得有點病態，梨奈嘅膚色帶古銅，正配合其健康形象，而且肉地彈力十足，加埋胸前對E奶，令吸引力更加強烈，真係睇極都唔厭呀！
唔講大家唔知，淺川梨奈喺更早嘅時候已經展開演藝生涯，自小好鍾意睇AKB48青春偶像組合表演嘅佢，於2012年膽粗粗參加一個叫做「Avex偶像選拔」嘅活動，經過一輪比賽後，佢最終成為偶像團體SUPER☆GiRLS嘅成員，喺舞台上為觀眾表演歌舞，成功實現自己嘅夢想。梨奈漸漸長大得亭亭玉立，便開始拍攝性感水着寫真，更獲封「千年一遇之童顏巨乳」稱號！
由於梨奈實在太索又有觀眾緣，高度受歡迎令佢經常成為雜誌封面人物，特別係漫畫雜誌，故喺第3屆封面女郎大獎榮獲「漫畫部門」冠軍。除咗拍寫真之外，梨奈以演員身份發展一樣前途光明，演出過嘅電影包括有《咲-Saki-》，最近嘅電影作品亦有《人狼遊戲》，氣勢直逼人氣美少女橋本環奈o架！
簡介：淺川梨奈近期工作忙到不得了，今日拍寫真，聽日就拍戲，後日又去登台演出，真係擔心阿妹會捱壞身子呀！而大家想緊貼梨奈嘅最新動向，當然要睇佢嘅Twitter啦！
網址：https://twitter.com/sg_nana_avex?lang=ja
年齡：18歲
身高：5呎2吋
三圍：34E-23-34
撰文：賢