如果話索女最高嘅標準，係擁有天使面孔及魔鬼身材，相信唔會有男士反對。咁同Angel及天使有關嘅情色詞語，大家又知道幾多呢？依家即刻同大家講吓，仲會介紹相關經典色情作品，包你大開眼界。
「Angel」解做天使，但係佢喺英文情色字典中，係咪僅得天使一個解釋呢？梗係唔係啦！原來呢個看似簡單嘅英文，佢包含嘅意思竟然多達6個！（1）解做令一個人終身難忘嘅情人，而呢個亦係唯一一個冇乜情色意味；（2）喺性服務中擔當畀錢角色嘅人，簡單嚟講即係嫖客；（3）男同性戀者；（4）男同關係中擔當經濟支柱同買禮物送畀另一半角色嘅人；（5）喺漫遊後花園玩法中，擔當開放後花園角色嘅人；（6）嚟自倫敦安吉爾（Angel）區嘅妓女，不過大家要留意，呢個意思係屬於英國舊時嘅俚語，至今已經冇乜人會用。話說回來，唔講唔知原來喺情色俚語中，關於「Angel」嘅意思竟然有咁多，睇怕用起嚟時會好容易混淆囉！
大家唔好亂咁譯，以為「Sex Angel」係解做性愛天使，就以為佢係用嚟形容啲性慾旺盛嘅女性，查實佢真正嘅意思係啱啱相反，係指形象相當純潔嘅女性，純到雖然佢有唔少性經驗，但係予人嘅感覺仍然十分清純。例句：That girl in out grade is a sex angel.（嗰位外形超班嘅女仔係個純潔天使。）另外，英文中仲有個「Angel Sex」，雖然同「Sex Angel」嘅兩個英文字位置前後掉轉，但佢卻有另一個意思，就係指當啪啪啪時，對方突如其來做出一啲令人興奮莫名嘅小動作，例如喺玩緊推車仔時，女伴突然用手挑逗男方下面嘅「錦囊」，而呢個舉動便被稱為「Angel Sex」嘞！此外，男士突然產生曳曳衝動嘅感覺，亦會用到「Angel Sex」嚟形容，例句：When I meet Mary, I want to have angel sex with her.（當我遇到Mary時，我有種想同佢上床嘅衝動。）
美國嘅色情電影歷史悠久，當中不乏經典之作，而其中一套就係嚟自殿堂級四仔導演Alex De Renzy喺1988年執導嘅作品《Angel Puss》。呢套由美國四仔大廠VCA製作嘅作品，搵嚟著名脫星Lisa Bright、Veronica Hall、Shanna McCullough、Rene Morgan等擔綱演出，劇情雖然好簡單，講述一間護理院內男男女女所發生嘅情慾故事，但憑住出色嘅情節鋪排，加上意淫度極高嘅演出，令呢套作品被AVN評選為500套必睇嘅色情作品，更喺1989年第6屆AVN頒獎禮中，獲得最佳性愛演出影帶嘅獎項。講番導演Alex De Renzy，稱佢做殿堂級四仔導演絕無誇張，皆因喺1935年8月13日於紐約出生嘅佢，先後執導過多套影響深遠嘅四仔作品，當中包括有1976年嘅《Femmes de Sade》、1977年嘅《Babyface》、1978年嘅《Pretty Peaches》等，而憑住《Babyface》喺AVN頒獎禮中榮獲最佳四仔導演獎，其後佢更躋身AVN及XRCO名人堂。不過喺2001年6月8日於洛杉磯拍攝四仔期間，佢因中風而逝世。
正所謂唔怕生壞命，最怕改錯名，好似日本人氣AV女優天使萌咁，個名就改得相當好，人如其名，個樣夠晒萌，氣質更係好似天使咁純潔，卻又演出猶如小魔女般嘅情慾戲，真係想唔紅都幾難！天使萌係咪姓天使，單名一個萌字？梗係唔係啦！呢位喺2014年6月以S1專屬女優身份出道嘅女優，「天使萌」呢個名係經理人事務所Bambi幫佢改嘅藝名，喺出道拍AV之前，曾推出過性感DVD寫真，而其處女AV作品係《新人No.1 Style 天使萌 AV Debut》，憑住純情氣質而人氣極速飆升。及後佢成為AV女優偶像團體「SEXY-J」嘅成員，並推出首張音樂作品《亞麻色頭髮的少女》。另外，佢喺Sky PerfecTV成人放送大賞及DMM成人大獎頒獎禮中奪得最優秀新人女優獎，獲獎之後，佢夥同佐倉絆及松岡千菜成為AV OPEN 2015嘅代言女優，同年9月佢成為AV女優團體惠比壽★麝香葡萄嘅成員，直至2017年2月2日離團。
撰文：魂