所謂人死留名，虎死留皮，日本AV女優喺引退之後，除咗喺AV迷心中留下印象，其作品大部分都會繼續流傳落去，有心一睹其風采嘅AV迷大可從各種零售途徑選購佢哋嘅作品。之不過，最近有位女優喺引退約一年之後，作品被徹底下架，佢就係曾經迷盡萬千巨乳迷嘅一代「乳神」乃乃果花喇。阿妹喺2011年以藝名七色杏出道，後來改名為乃乃果花效力Moodyz，係當時M廠難得一見嘅長期專屬女優，到2016年乃乃果花宣告引退，大家對此都相當心痛。最近有人發現乃乃果花嘅作品喺AV銷售網DMM離奇下架，而透過Moodyz官方網頁嘅搜查器，亦一樣搵唔到乃乃果花嘅相關作品，到底點解咁呢？有消息指出事件同乃乃果花向事務所提出訴訟有關，訴訟原因正係阿妹聲稱當年係被事務所強迫拍AV，而DMM及M廠為免惹麻煩，故此快快手將相關作品下架喇！