古時嘅中國不但視男歡女愛，係男女情慾關係咁簡單，而且糅合醫理之中，變成陰陽調和嘅養生之道，從此性愛便跟養生扯上關係。不過大家唔好以為陰陽性愛學只係中國人嘅專利，日本女性愛專家Marilyn滿月（マリリン満月）不但對此深有研究，更著作《陰陽性愛術》，教授大家點樣透過性愛達致陰陽調和嘅方法。
Marilyn滿月喺呢本書中指出，男女喺性愛當中不但能獲得快感，喺交合嘅過程中，男女嘅陰陽性愛能量更可令身與心得到融合，並且互相得到改變，同時喺高潮間能夠創造出新嘅能量，進行療愈彼此嘅身心。佢解釋喺遠古時期，性慾同飲食，就跟呼吸空氣一樣自然，因此將「性」尊崇為基本生命力嘅表現，而道家更認為「精氣」（性能力）可當成一種靈藥，用以治療疾病或強身健體。男女只要用上適當嘅呼吸方法、動作及按摩，不但能釋放以前被痛苦所阻滯嘅精氣，從而改善性慾唔和諧嘅現象，令男女得到美滿嘅性樂趣及達至健康嘅目的。除咗講述道學與性愛間關係外，佢更教授各位女士打造吸引男性嘅軀體、融合男女能量嘅性愛體操、養生之道嘅24種體位等。此外，大家唔使擔心呢本書全部都係文字，事關作者透過大量插圖同照片，清楚示範養生按摩嘅方法，對文字恐懼人士嚟講絕對適合不過。
書名：《陰陽性愛術》
售價：約HK$65
撰文：魂