好多男女因性格不合而分手，有調查發現唔少女性因為床上滿足度不足，喺激戰過程中就已經諗住分手喇！男人天生擁有巨鵰當然值得自豪，但係細鵰男都唔使自卑，最近一名細鵰男公開其增加自信嘅貼士。提到自信心，喺溝女嘅時候表現出幽默感亦係自信嘅表現，專家表示如果發現女性對你嘅幽默感無動於衷的話，就千萬唔好再浪費時間喺對方身上喇。
有日突然收到女友嘅電話：「肥仔，今晚出嚟，有件事想同你講。」我答話：「好！9點鐘，老地方等。」晚上兩人準時到達餐廳，面對面而坐卻相對無言，之後女友終於開口：「我想同你分手。」我：「……」女友：「你份人係好好，但係實在太鹹濕，每次約會只係為咗同我上床，仲要一晚三次，我實在唔想再咁落去，分手啦！」我：「伙記，埋單！」我默然離去，心諗：「當初又係你話前男友唔肯同你上床，搞到你又空虛又寂寞又凍嘅，真係唔明白女人想點囉！」事實上，的確係有好多女仔因為男友滿足唔到佢哋嘅需要而提出分手。早前外國有調查訪問咗1,400名成年男女，當中居然有54%女性表示曾經喺床戰嘅時候生起同男方分手嘅念頭，而大部分都係因為對方嘅表現唔理想，未能滿足到佢哋。另外，亦有一個訪問咗6,842位成年男女嘅調查顯示，分手嘅原因當中佔35%同政治取向有關，至於因為對方性技唔合要求而分手嘅亦有24%，可想而知性愛對於一段男女關係幾咁重要。
正所謂知人口面不知心，好多外表美麗嘅女仔，內裏可能係一副蛇蠍心腸，就算唔係，都可能係有意無意咁使出偽裝術，小弟見過唔少女仔表面上睇嚟個胸好大，但原來只不過係戴咗神奇胸圍裝大個胸咋！男人都唔係好得多，唔少生得高大嘅男士，其實係細鵰男！不過，呢方面大家都唔想，而且就算生得細亦唔代表唔能夠令女仔高潮迭起，大前提係細鵰男床上技巧了得，當然亦要有自信心啦！50歲嘅Ant Smith係一位細鵰男，何謂細呢？佢聲稱勃起嘅時候長度只有4吋，比起平均勃起長度5.16吋短1吋。Ant Smith表示曾經因此而苦惱，但係經過多年努力之後終於重拾自信，仲寫咗本書叫做《The Small Penis Bible》，幫助各位細鵰男提升自信。Ant Smith仲有貼士畀大家，如果大家覺得自己太短，千萬要努力減肥，因為愈肥就愈顯得長度不足！第二係同伴侶摸黑交歡，對方睇唔到自己嘅小弟弟，自然減低尷尬感覺啦！第三係技巧搭夠，Ant Smith表示好多女仔都唔係靠抽送而得到高潮同滿足，營造浪漫氣氛、舌技、指技、愛撫技巧都可以令女伴享受其中。
小弟早前又經歷過一次感情創傷，不過大家唔使可憐我同擔心我，因為今次小弟作出越級挑戰，輸係預咗嘅。其實我同對方都係冇可能o架喇，人哋出身皇家貴冑，我就一介布衣白丁，只不過係我自己唔信邪之嘛。約會幾次之後都已經知道個結果，當中最令小弟知道不妙嘅地方就係即使我將幽默小宇宙大爆發，亦難以令對方發笑，你好嘢！我認輸！以後唔好再聯絡喇！從好多調查當中都可以發現，有幽默感嘅男仔對於女仔嚟講更有吸引力，甚至比起高富帥更為優勝。有專家表示幽默感的確可以令男仔顯得更有自信同更有吸引力，仲可以令女仔趨向於同呢種男仔發生肉體關係。然而，專家補充話如果男仔同女仔約會嘅時候，對方感受到你嘅幽默感而生起性趣，就算往後嘅說話唔算係太好笑，個女仔都會笑不停，若然係相反的話，你嘅說話幾好笑，個女仔聽到都唔出聲又冇笑容的話，咁呢個對象就唔使諗，千祈唔好再浪費時間喺佢身上喇！
撰文：賢