如果大家有睇過近期相當有人氣，內容帶有輕鹽嘅動畫《sin 七大罪》嘅話，就會發覺呢套作品中，由七大罪化身成嘅一班女魔王，佢哋唔單止有唔同嘅類型，從蘿莉到熟女都有之外，身材更係相當火辣，配合埋超性感嘅戰衣，真係睇到人流晒口水！如此出色嘅外形固然要歸功插畫師Niθ嘅功力，之但係喺模型上，又能唔能夠保持到高質素呢？梗係冇問題啦！如果有留意開呢個系列模型嘅話，都會知道佢一直以嚟都以高質素及高還原度見稱，而今次登場嘅係第四罪之怠惰貝爾芬格，化身鋼管舞女郎示人，不但充滿動感，性感嘅舞衣更係睇頭十足。不過今次嘅焦點唔單止喺心口度，仲有條細小嘅底褲，將完美嘅纖腰同大腿展露無遺。而最吸引係加入「Bra解」設計，玩家可以親手解除貝爾芬格胸前嘅束縛，讓佢即時露兩點，極具觀賞性。