鹹書之所以好睇，因為女夠索，仲要甫士夠狂野，喺平面嘅框框盡情展現出動感一面，所以睇鹹書唔同睇鹹網，鹹書畀到你幻想空間，鹹網吓吓真槍實彈，完全兩回事，亦因為咁，鹹書仲有佢生存價值o架！話時話，陀地鹹書一池死水，除咗法例同市場局限外，不思進取先係最大死因，你求其翻開一本外國鹹書，由封面精彩到封底，頁頁都咁好J，翻睇再翻睇，揭到爛都仲要揭，呢啲製作咪叫有Heart囉！
唔好講啲人人都識嘅經典嘢，就舉例呢本《Wild Vixens》咁，近期好Hit o架，但鬧嘅人仲多喎，事關呢本所謂月刊大約2014年喺美國面世，經過3年多浸淫到今日規模唔係愈做愈大，反而經常脫期，出咗唔知幾多期就變成不定期刊物，點解？因為人手太少，色情太多，要精雕細琢先出得街，結果咪成日甩囉！唉，但鬧嘅人咪又係乖乖等睇，無非係因為《Wild Vixens》製作夠質素，每次都搵到大量歐美火辣新女登場，加上製作團隊同全球鹹濕佬一樣，愛女又愛車，電單車呀、超跑呀都成為拍攝寫真嘅道具，再唔係就泳池濕身兼舔波板糖，呢啲色情元素一定唔少得，令呢本《Wild Vixens》嘅女真係好Wild，啱Feel嘅仲可以去網站買埋下年年曆添！
書名：《Wild Vixens》
售價：約HK$27.3（網上版）
撰文：祖