有麻煩脫星之稱嘅Dakota，早前因蓄意傷人，被佛羅里達州警方拘捕，喺拘留所度過周末，最終釋放，人生又多一單污名，唔知下次佢又搞單乜嘢出嚟呢？言歸正傳，究竟Dakota因咩事傷人？據爆料網站「The Smoking Gun」表示，話說喺今個月初周末清晨時分，Dakota同男友執劑後，男方要求離開寓所，點知女方唔肯放人，仲大吵大鬧，繼而出手傷人，打到男友嘴唇爆裂，身體亦有多處受傷，有傳媒仲話阿妹出動鉸剪做武器威脅，唔准對方離開，於是男友報警，結果Dakota被拘捕。Dakota出名任性，相信全球四仔迷都知，而呢單傷人事件本來亦不值一提，咁點解連英國《鏡報》及《Daily Mail》都爭相報道呢？關鍵咪就係「男友」囉！半年前Dakota學人玩閃婚，老公名叫Zachary Lecompte-Goble，但係警方指傷者名叫Robert Anderson，無錯，即係阿妹出軌！原來Dakota婚後冇耐就鬧婚變，而據警方所指，Dakota同男友Robert Anderson已交往半年，即係話阿妹呢頭結婚嗰頭就去偷食？真係唔知佢咩心態，淨係知道事發至今佢老公懶理Dakota死活囉！