最近日本AV界鬧得最熱烘烘嘅話題，相信一定係前NMB48成員松田美子下海拍AV啦！雖然美子身材同個樣都唔出眾，但係只要有「乜乜48成員」嘅光環，廣大AV迷都會特別留意。而歷來有唔少女優都係出身於AKB48或者SKE48，好似橘梨沙同中西里菜就係出身自AKB48，三上悠亞則嚟自SKB48，但係佢哋都係靠努力至上到位，否則就會好似逢坂遙菜咁喇！逢坂遙菜前名叫成瀨理沙，乃係AKB48第一代成員，後來因為撈唔掂，喺2014年下海做AV女優。老實講，逢坂遙菜個樣係就係唔多吸引，但勝在身材豐滿而鮮嫩，總算有啲睇頭！而成為Ideapocket專屬女優嘅逢坂遙菜，事實上亦大有發揮機會，但後來佢突然轉投到SOD，實在令人感到疑惑。最近有消息指遙菜妹喺拍AV嘅時候經常耍大牌，搞到台前幕後嘅工作人員都唔鍾意佢，同時遙菜嘅號召力急速下降，到今時今日有咁多優質新人，又有咁多知名女藝人下海，遙菜嘅剩餘價值已經跌到零，咁點算？有業界人士指出遙菜將會無聲引退，睇情況都似喇！