好多朋友都問小弟今年年尾會唔會去日本，希望可以帶啲手信返嚟送畀佢哋，究竟係咩手信呢？唔係食物，而係AV女優嘅簽名，因為過去兩年我都去咗日本採訪AV界三大盛事之一嘅AV OPEN，不過AV OPEN唔係話年年都一定會舉行，幸好早前收到好消息話今年年尾會上演新一屆，仲話搵來上屆AV OPEN 嘅7冠王高橋聖子、白石茉莉奈以及橋本有菜做代言女郎。然而，代言女郎方面嘅消息官方仲有未有正式公布，小弟當然唔會咁容易信晒啦。不過，最近從高橋聖子嘅社交網見到端倪，今次就唔到我唔信喇！聖子上載咗多張照片，見佢同白石茉莉奈以及橋本有菜齊齊扮可愛樣合照之外，兩女仲一齊為聖子預先慶祝生日。聖子同有菜同為北都集團效力，行埋一齊唔出奇，不過茉莉奈屬於北都對家嘅SOD，所以見到佢哋三個走埋一堆，應該係由第三方撮合喇，相信係AV OPEN 2017無誤喇！