男友反對要引退

如果要大家二揀其一，你會揀愛情定麵包呢？以小弟愚見，如果對方係有錢女可以養我一世，就梗係揀愛情啦！若然對象係冇錢嘅，咁我就一定揀麵包喇！所謂貧賤夫妻百事哀，明知大家要捱窮仲要喺埋一齊咪盞累鬥累！至於櫻由羅呢位蘿莉系女優又會點揀呢？佢決定揀愛情！原本係着衣寫真偶像嘅櫻由羅，出道以來人氣持續上升，萌味十足又落力嘅演出得到AV迷讚賞，2016年阿妹一度因為身體不適而暫停工作需要休養，跟住又去海外留學，而半年後宣告復出拍AV，真係唔知阿妹邊句至係真，不過大家都好高興可以繼續欣賞到阿妹嘅AV作品。點知最近櫻由羅又宣告引退，消息人士指原來係阿妹嘅男友作怪，據聞男友非常不滿櫻由羅拍AV，就算係阿妹以惠比壽★麝香葡萄成員身份演出專屬電視節目《麝香葡萄之夜》亦一樣嬲嬲豬，搞到櫻由羅相當苦惱。而喺愛情同麵包之間，最終櫻由羅選擇咗愛情，宣布引退唔再拍AV。雖然唔知今次櫻由羅係唔係堅冇吹水，但係都祝福阿妹搵到一個對佢真心嘅如意郎君啦！