近年日本AV女優相當積極進軍樂壇，好似成員龐大嘅新生惠比壽麝香葡萄咁，除咗時有新曲發表，最近亦正進行日本全國巡迴演唱會。除咗麝香葡萄之外，SEXY-J亦一樣活動頻頻，至於一向曝光率極高嘅棉花糖3D+又再次活躍起嚟喇！棉花糖3D+上一代由阿部久美久、彩城優里菜、彩音遙菜、步美翼以及篠宮由組成，不過自從步美翼離隊之後，餘下四位女優嘅活動頻率亦大為下降，後來連優里菜都走埋，粉絲們仲以為主打青春活潑嘅棉花爆3D+會解散。幸好，有水嶋杏美以及亞須希加盟，組合終於變番五人組。而兩位女優都活力無限，為組合大大增強生氣同睇頭！而為慶祝棉花糖3D+成立兩周年，將會喺7月1日假新宿MARZ舉行兩周年演唱會，大家唔好錯過呀！