日本有三大頒獎禮，一個係3月舉行嘅Sky PerfecTV成人放送大賞，一個則為4月嘅DMM大獎，另一個就係AV OPEN，呢個主要獎項頒授予AV作品，送百萬日圓畀得獎者當係散銀嘅盛事啦！AV OPEN雖然係三大頒獎禮當中最大型，但係由於每次都要搞到咁大壇，資金要求相當高，所以頒獎禮圓滿結束之後，大會都冇即刻話下年又再舉行，但係AV迷都好期待呢件盛事。今年到底搞唔搞呢？答案係繼續上演嘅！而大會雖然仲未公布詳細內容，但係已經表示參與競逐各個獎項嘅AV作品將會喺9月1日上市，另外仲增加VR作品獎以及最佳封面獎添！至於大家最關注嘅AV OPEN 2017代言女優方面又點呢？有消息證實咗由上屆AV OPEN「7冠王」高橋聖子、SOD巨乳媽媽白石茉莉奈及妹系極品橋本梨菜擔任。歷來，代言女優都會為大會拍下好多性感宣傳照，而今次三位女優都有樣有身材，宣傳照真係令人好期待呀！