做囡囡幾時都係咁危險，梗係唔係話啲客難招呼，又擔心對方o趙完唱，同埋玩完之後要拗數呢啲，而係講緊隨時會遇到人身安全嘅問題！好似早前台灣新北就發生一位小姐被劫，兼喺光脫脫嘅情況下，慘被賊佬拖出去毆打。事發喺今個月中，於一間徵信社工作並曾涉及多宗傷害及恐嚇勒索嘅39歲陳姓男子，透過手機通訊應用程式，同應召站傾掂以9,000元新台幣（約2,250港元）嘅全套價，喺新北市永和區嘅一間旅館內交易。陳男攞房後，38歲嘅劉姓應召女郎便敲門入房。完事後，劉女向陳男收錢並放入手袋後，就自行到浴室沖涼。呢個時候，陳男突然用手將浴室門拉住，劉女見狀即時喝罵對方，卻見陳男偷取手袋內嘅財物，劉女奪門而出並同對方打起嚟。陳男拎起手袋衝出房間，而劉女則扯住手袋唔放，於是陳男便對劉女拳打腳踢。兩人就咁從2樓拉扯到1樓旅館大堂，陳男用力兜心口踢咗劉女一腳，搶走手袋逃去。劉女用手掩住心口跟旅館前台職員講述事件，職員即時報警。警方根據劉女所描述嘅特徵，喺旅館附近嘅橫巷中逮獲陳男，並喺對方身上搜獲贓款。陳男被捕後稱係因為陳女招呼不周，又唔肯減價先至犯案，你話咁嘅衰賊佬係咪抵打先？