喺4月23日晚，日本AV界有一項盛事上演，就係DMM成人獎喇！當晚於東京豊州PIT會場舉行，一如以往星光熠熠，出席嘅AV女優都係人氣與實力兼備，此外更搵來成員陣容強大嘅惠比壽☆麝香葡萄擔任表演嘉賓，令頒獎禮更加熱鬧兼有睇頭！
DMM成人獎多年來主要大獎都係得兩個，就係最優秀女優獎及最優秀新人獎喇！前者今年競爭相當激烈，10位入圍競逐獎項嘅女優當中大部分都喺過去一年努力拚搏，包括AV天后明日花綺羅、椎名空、三上悠亞等等，真係未鬥到入直路都未知鹿死誰手！重要時刻來臨，大會先宣布優秀女優獎得主，佢就係明日花綺羅喇！至於最優秀女優獎又由邊個奪得呢？正是前SKE48成員，出道拍AV以來憑俏麗偶像派面孔以及豐滿胴體，紅遍亞洲嘅三上悠亞喇！悠亞從上屆最優秀女優獎得主AIKA手中接過獎項之後，原來已經熱淚盈眶嘅悠亞更加頓時變成滿面淚痕，致詞時表示呢一刻係佢活咗23年以來覺得最幸福最高興嘅時光，仲希望將呢種感覺同大家分享！
至於明日花綺羅雖然輸咗畀後輩三上悠亞，但係佢上台領獎嘅時候都顯得高興又激動，仲話自己從事AV女優事業以來，喺多個AV頒獎典禮被提名，但係就只能夠喺Sky PerfecTV成人放送大賞2009當中得到女優獎，對佢嚟講的確係覺得有多少遺憾，亦令佢覺得難以擔任惠比壽☆麝香葡萄嘅領導人一職，但係如今得獎除咗令佢感到努力冇白費，仲放下心頭大石。
最優秀女優獎競爭激烈，但係最優秀新人獎方面相信結果都係大家意料之內喇！因為9名入圍佳麗當中，有一位女新人絕對可以話係屬於「魔王級」，呢位女優喺拍AV之前就已經名氣十足，咪就係有「寫真界救世主」之稱嘅高橋聖子囉！作為三上悠亞師妹嘅高橋聖子擁有迷人嘅正統派美貌以及G Cup無敵胴體，出道以來氣勢比師姐悠亞有過之而無不及，更加喺上年AV界盛事AV OPEN當中成為「7冠王」，今次喺最優秀新人獎當中亦係一枝獨秀，以無敵姿態贏得今屆DMM成人獎嘅最優秀新人女優獎，而其下海作品《グラビア四天王たかしょーMUTEKI Debut 高橋しょう子》亦同時獲得最優秀作品獎！聖子獲獎之後更加喺台上同師姐三上悠亞相視而哭，真係姊妹情深呀！至於優秀新人女優獎則由甜美又好身材嘅羽咲美晴獲得。
高橋聖子領獎時同師姐悠亞一樣感動落淚，致詞嘅時候更係真情流露，表示自己加入AV界呢一年來做咗好多充實同快樂嘅工作，但係初下海嘅時候確係好唔習慣，更加有一段時間感到傷心而時常一個人抱頭飲泣添！不過，見到自己嘅支持者愈來愈多，心情已經大大好轉過來喇！聖子對未來嘅工作仲抱有偉大抱負，話希望可以以自己嘅貢獻幫助日本AV界發光發熱！聖子，我撐你嘅！
除咗女優獎同新人獎，DMM大獎仲設有其他獎項，雖然屬於豬肉獎，但係總算畀其他女優有機會露個面，叫做有獎揸手啦！原本極想奪得最優秀女優獎嘅大食小花桃乃木香奈就獲得媒體獎，有「指技女王」稱號嘅椎名空則獲特別表現獎，事後佢仲同「金手指」加藤鷹嚟個合照，有機會真係要同床較勁，睇吓邊個指技厲害喇！而最有力衝擊新人獎嘅可憐美少女凰香奈芽雖然輸畀高橋聖子，相信佢都會輸得心服口服，大會亦頒咗個話題獎畀佢，算係冇空手而回啦！
最優秀女優獎：三上悠亞
最優秀新人女優獎：高橋聖子
優秀女優獎：明日花綺羅
優秀新人女優獎：羽咲美晴
最優秀作品獎 高橋聖子
媒體獎：桃乃木香奈
話題獎：凰香奈芽
特別表現獎：椎名空
特別獎：安部未華子
撰文：賢