寫手F一直是鳳姐愛好者，雖然偶爾也會玩一玩其他，但主要活動範圍，還是一樓一鳳。「係，我十幾年前開始出嚟玩就係由鳳姐開始，咩一百蚊雞、皮鞭鳳姐、台灣鳳、鬼妹鳳、七日鮮，真係乜都試過晒，點解鍾意蒲鳳樓？因為鍾意嗰陣本土氣、香港味囉。」相對我其他朋友，其實寫手F的蒲齡不算特別的長，他也不過三十多歲，怎麼會鍾情這種囡囡年紀相對比較大的玩意？「一來梗係貪佢消費比較相宜啦，比起夜總會、骨場都抵玩。不過自己又有少少要求，嗰啲流鶯連涼都無得沖，我真係唔得囉。」
寫手F的另一個理由，是鳳姐的人情味，「有時心情唔好飲咗酒，咪上去搵相熟姐姐囉，都唔係得個搞字o架，做完晒嘢佢問我做乜唔開心，佢無趕頭趕命不特止，仲陪我傾足半粒鐘，咁當然係非繁忙時段啦。」寫手F說的人情味，不止於此，他說有次大節前上場幫襯一位老相好，「條女知我孤家寡人無地方，仲拎咗一碗住家靚湯畀我飲，真係感動死人呀！」寫手F說自己也會回饋姐姐，方法除了光顧，還會上網為囡囡寫報告，「無收錢o架我！」
撰文：黃韋龍