好多男士都唔了解女伴嘅心思，原來大部分女性都希望嘗試一下畀人打屁股嘅滋味！床上枯燥乏味，相信係好多夫妻嗌交嘅導火線，咁點先可以為性生活增添生氣呢？另外，有專家講解男女嘅床上習性，等大家從中了解一下女性對於房事有咩諗法。
如果女仔真係畀你激嬲，相信男士們都知道後果係需要「啪」一聲硬食女仔一巴掌啦！而女仔心花怒放、心如鹿撞，亦會喺打情罵俏嘅時候，輕輕地拍打一下男士嘅臂膀，同時面露出一副「冧滋滋」嘅表情。輕力拍打呢個動作可以為男女感情增加情趣，原來喺床上亦都得（口架）！外國一間情趣用品公司進行咗一次有趣嘅調查，訪問咗3,751位成年女士，以了解一下佢哋對床上打屁股玩意有咩意見，結果發現有75%受訪女性表示曾經嘗試過喺床上畀男伴拍打屁股。嘗試過啫，實際上佢哋對拍打屁股又受唔受落？又希唔希望男伴以後都會咁做呢？表示希望畀男伴打屁股嘅受訪女性有7成咁多！除咗打屁股之外，情趣用品公司亦有另一個調查訪問咗1,580名女性，問佢哋鍾唔鍾意SM玩意，結果當中有58.4%受訪女性表示鍾意玩乳頭夾、55.2%鍾意被男伴輕輕咬身體，亦有55%喜歡被男伴蒙住雙眼嚟激戰。
每日做同一樣工作好容易令人覺得沉悶乏味，至於床上對手每次都係同一人，望住同一樣嘅面孔、同一樣嘅身材及做出同一樣嘅反應，唔少男人都會對伴侶提唔起性趣，繼而導致感覺冷卻，甚至出現破裂。面對性生活乏味，我哋又可以點做呢？性學專家Tracey Cox博士為幫助大家解決呢個問題，提供咗好多建議。博士話大家可以嘗試一下喺不同地方激戰，唔一定只限於自己張床，可以喺廁所、廚房，甚至係飯枱，如果可以的話，多啲去不同酒店爆房亦不失為一個好方法。另外，喺上床之前，進行輕度運動，例如外出散步、緩步跑等，一來做運動可以強身健體，令大家身形更弗更有吸引力，二來輕度運動之後身體和暖起來，挑起大家嘅性慾再進行激戰，效果就更為理想喇。另外，溫水鴛鴦浴亦係一個好方法，不過共浴時唔一定要進行抽送等動作，目的只係令身體熱暖起嚟，然後再燃點慾火。激戰之時唔需要剝光豬亦可以增添情趣，專家話男女嘅性慾某程度上都係受視覺所影響，成日都肉帛相見當然會悶，如果望到大家身上嘅衫褲，受衫褲嘅顏色所刺激，亦可以令床戰更有樂趣。
雖然話太陽之下無新事，但係小弟就覺得一百歲唔死都有新聞聽，好似早前有一單新聞就令人嘖嘖稱奇，更覺匪夷所思！話說有位伯伯因長期受便秘之苦，居然誤信偏方，將一條半米長黃鱔塞入後花園，最後當然係要送院治理啦！用黃鱔塞肛門治便秘，我咁大個仔都係第一次聽見，真係要慨嘆世界無奇不有！其實仲有好多事情男士們要知，以助大家改善與伴侶嘅性關係，例如有調查指出男人喺完事之後，最好唔好同女方講「我愛你」，雖然呢個充滿愛意嘅說話令女仔好冧，但係喺剛完事時講就會令女方覺得你喺呢一刻至愛佢，鍾意做愛多過鍾意佢本人。好多男人都認為自娛舒服過同女仔做愛，因為全程由自己動手控制力度，感覺更隨心所欲，但係研究指出自娛同做愛兩者都會令大腦產生不同感覺，男士們唔使自己呃自己。好多男人都嫌女伴撻極都唔着，但係有研究顯示女性其實對性嘅渴望同男人相若，只不過可能因為要分心照顧家務及其他瑣事而影響性慾，男人如果想同女伴享受更多房事，麻煩要主動幫女伴做家務喇！
撰文：賢