近幾年日本AV界盛事多籮籮，3月有Sky PerfecTV成人放送大賞，4月有DMM成人大獎，而11月就會有AV OPEN，三個頒獎禮都頒發多個獎項以表揚女優嘅貢獻，同時畀多啲機會AV迷參與。提到AV OPEN呢個最大規模嘅頒獎典禮，佢喺2006年開始舉行，可惜搞咗兩年之後就停辦，直至7年後即2014年才重新舉辦，見反應熱烈先至喺往後兩年繼續上演。不過，據消息指，上年嘅一屆出現門庭冷落嘅情況，唔少大型AV廠如S1都唔係咁積極參與，故有人覺得今年AV OPEN未必會繼續舉行。然而，又有小道消息話，雖然今屆AV OPEN未正式宣告舉辦，但係有AV廠已經開始拍攝競逐AV OPEN各個獎項嘅作品。另外，有指主辦單位已經挑選出新一屆AV OPEN嘅代言人，現時已進入拍攝宣傳照及影片嘅階段添！如果AV OPEN今年真係搞得成就好喇，到時AV迷又有多個活動可以入場支持偶像。