PornGatherer認人起底

鹹網邊個唔識上，但好多時睇相睇片發現件女好正，但只得張相無名無姓，惟有去討論區跪求師兄幫手「起底」，通常到最後都不了了之，再唔係就離晒題，極之無癮。依家唔使再煩喇，皆因色情搜尋引擎Porngatherer新增咗「Identify by Picture/Face」相片及面容識別功能，只要巴打將不大於3MB嘅相片Upload畀佢哋，大約10秒過後，網站就會幫你搵到嗰位囡囡出嚟，即使一啲名不經傳嘅素人，官方話可以透過佢哋強大嘅網絡，盡量幫你摷到或類似囡囡推介。細佬親身測試，偏門或新登場脫星Porngatherer的確未必搵到，但大牌和經典脫星，經兩三次搜尋後點都會中，再者Porngatherer話會不斷改進，愈多人搜尋，對電腦愈有幫助，命中機會愈高。換句話講，即係叫巴打多啲掟相上去，塞爆個Database咪可以齊齊Happy囉！咁當然相片質素都有要求，相頭要清晰可見，唔好太多面部表情或者頭髮遮住半邊臉，方可增加尋人機會。其實佢哋仲有男優搜尋功能，可惜未有相片識別，暫時只可以用名字、生日國籍等搜索，不過就算有你都唔會用啦！