每個人都有崇拜偶像嘅時候，尤其係性感迷人嘅女明星，更係唔少男士心目中嘅女神。呢隻由日本成人遊戲開發商Sweet HEART推出嘅新登場作品《偶像診所 ～H配方的戀愛藥～》，正係為滿足男士朝思暮想嘅心理而設計。故事講述男主角牧野爆耶，係人氣女子天團「偶像診所」嘅超級粉絲，身為煉藥師嘅佢，卻從未諗過有朝一日，竟然成為呢個天團嘅專屬煉藥師，可以經常同偶像接觸。有日天團成員兼新進人氣女偶像千代田柚花喺錄影音樂特輯前，問爆耶攞喉嚨藥，點知卻唔小心打爛晒爆耶嘅藥物。演出完結後，柚花不但為自己失準表現而懊惱，亦因打爛爆耶嘅藥物而深感抱歉。對於爆耶嚟講，呢啲不過係小事，佢為咗令爆喊嘅柚花冷靜落嚟，於是將佢啱啱調配出嚟嘅冷靜藥畀柚花服用。點知柚花飲完後變得面紅紅，身體更係難以自控地扭動，爆耶心諗：「唔通啲藥搞錯咗？」