唔係講笑，將來你同我睇緊嘅脫星都會全部消失！以細佬目測，率先進入失業大軍嘅會係歐美脫星，跟住輪到日韓，最後連網絡素人都冇人睇呀！點解咁大膽預測？咪又係科技累事囉！唔想以後冇脫星J，從今日起罷買性愛機械人，唔好再睇VR四仔喇！
唔使問，虛擬色情（VR Porn）確係好潮好爽，但巴打有冇諗過，VR四仔會令男優失業呢？當然有人會話關我鬼事咩！須知道喺惡性循環下，未來嘅四仔只會集中喺脫星身上，想話睇場重口味對決，唔好意思，到時只有囡囡自己搞掂。其實早喺一月時，英國《每日郵報》已經發文表示四仔工業將會被VR科技取代，更大字標題話「Death of the porn star」，內文詳細分析四仔界進入色情革命，約喺2030年，VR技術會好似智能手機咁普及，過多5年全球大部人會擁有虛擬性愛玩具，到2050年男女同性愛機械人啪啪啪受歡迎程度比真人更高，而傳統嘅四仔工業會相繼消失，地球上再冇脫星，問你驚未？驚都冇用，現時VR鹹網增長以倍數遞增，傳統平面鹹網一係跟風，否則就要收檔，你都咪話唔陰功！
咪以為淨係男優被淘汰就唔關你事，早前新聞都介紹咗全球第一個性愛女機械人「Harmony」預計於4月面世，預計售價為12,000英鎊（約115,264港元）。呢個機械人就堅囉，仿真人皮膚，波哋識發熱，具備12種人格特質，包括天真、善良、智慧、性感及淫蕩等，最重要係佢會不斷進化，透過執劑學習繼而同人類發展出真感情，可用手機App更新，若然畀多啲錢，更可按個人心水訂製機械人，整個瑪麗蓮夢露出嚟都得呀！官方話感覺同真人搞嘢無異，甚至超越真人喎！咁代表乜？即係話連脫星都會冇得撈囉！你可以話杞人憂天，但坊間唔少脫星都開始關注女機械人發展，連VR鹹網近日都撰文話機械人會代替虛擬色情，梗係啦，虛擬色情始終都係虛擬，依家有機械人真槍實彈，仲使乜睇四仔吖！
四仔界改朝換代，脫星飯碗不保都無可避免，但亦有脫星表明唔怕進入「機械人」年代，好似脫星一姐Tasha Reign早前接受《每日郵報》表示好想同仿真公仔或機械人喺床上一決高下，更表示好想擁有一個同自己一模一樣嘅機械人添，理由係佢都好想玩喎！
喺西班牙已搶閘出現「性愛公仔」！雖然呢個公仔未識「畀反應」，但一樣有「體溫」，話說喺巴塞隆拿一間叫Lumidolls嘅性玩具妓院，早前引入咗4款不同膚色及架生嘅「妓女」畀嫖客玩，其官網更圖文並茂介紹每件「囡囡」嘅身高、三圍及性格，仲明碼實價，原價每小時100英鎊，依家新張期內只需70英鎊！但唔少巴打都話肉金比真人仲貴，兼且要戴套上陣，簡直離譜喎！而負責人就解釋佢哋係歐洲首間提供性愛公仔嘅妓院，每隻造價4,300英鎊，所以「肉金」唔算貴喎！
撰文：祖