男人去風月場所玩樂，除非佢有特殊癖好，否則都會首選喺私人房間內同囡囡曳曳。不過大家知唔知，原來日本風俗店並非每一間店舖都設有獨立房間呢？因此部分風俗店會標明有「完全個室」嚟吸引客人，近年更出現一種類似香港一樓一經營模式嘅私人房間添！
日本風俗店嘅類型有好多，不過唔係每一間風俗店都會為玩家提供同風俗孃獨處嘅私人房間，好似Fashion Health同Pink Salon咁，前者雖然有房間，但門上設有一個玻璃窗，方便店員窺探房內情況，而後者只不過係間隔空間，並沒有房間。為咗令玩家玩得安心，唔使擔心畀人睇到，因此有提供獨立房間嘅風俗店就會標明店內有「完全個室」，同時亦係賣點之一。
不過近年風俗店受日本法規、政策因素、舖租等因素影響，東京一帶嘅店舖型風俗店數量不斷下滑。為咗降低經營風險同成本，於是出現一種叫「完全個室」風俗店，佢哋通常選址較偏僻，同香港一樓一嘅營運方式差唔多，分別之處在於佢哋嘅管理更加嚴謹，由於佢哋多數開設喺商住大廈之中，為免影響到居民，玩家必須要預約，才可以取得大廈密碼入內。雖然呢類風俗店唔接受Walk-in，但價錢比較便宜，故此深受玩家歡迎。
位於東京目黑區嘅「A」字頭「完全個室」風俗店，雖然話就話係風俗店，但其實佢只不過係租下整層單位，然後每個單位內安排一位風俗孃招呼客人。首先玩家喺官網揀選心水風俗孃，跟住打電話預約，喺指定時間上門就可以享受服務。呢種做法十分方便玩家，唔使擔心上到去之後，先至發現風俗孃招呼緊客人或唔喺度，咁就唔會食白果啦！而風俗孃亦只需喺接到「柯打」後先回到單位開工，工作時間較彈性。此外，呢類風俗店嘅特色在於喺房間布置上相當花心思，好似「A」咁，主打住家風味，讓客人猶如返到屋企咁舒服、咁好Feel。
先前提過，「完全個室」風俗店嘅收費比較便宜，咁究竟有幾平呢？60分鐘服務收費為10,000日圓（約690港元），如果大家要求唔高又唔介意地方偏僻，收費更可低至8,000日圓（約552港元）。相對其他風俗店，動輒收費萬幾日圓嚟講，不但夠晒平，有啲甚至唔收點名費添！
大家都知道日本人做乜都講規矩，而呢種「完全個室」風俗店亦有自己一套規矩，去玩嘅時候就要留意一下。
玩家去玩之前，務必要先喺官網或直接打電話進行預約，否則對方係唔會畀大門密碼你。預約時要睇清楚風俗孃嘅工作時間，因為如非工作時間嘅話，即使係熟客，對方都唔會畀你上門。另外，預約時要講明玩邊幾項服務，否則到時有爭拗就唔好啦！
唔係風俗孃嘅電話號碼，而係要提供玩家嘅手提號碼，同時要提供埋姓名，一來方便確認玩家身份，二來方便將大廈密碼傳送畀玩家，最重要就係當玩家或風俗孃要更改服務時間，都可以透過手機聯絡，因此去玩前最好出定張日本SIM卡。
開心快活完嘅最後一環，梗係要畀錢啦！究竟呢種風俗店係點收費呢？一般嚟講都係只收取現金，只有部分接受信用卡付款。如果唔想玩完至發覺對方唔收現金，身上又只得信用卡嘅話，記得要留意店方嘅付款方式。
撰文：魂