已經是好幾年前的事，今日想起，就像昨日。那一年我跟記者同事常常走到前線採訪，他拍照時我就忙着跟囡囡聊天，希望在這樣短促的時間中，盡量去了解囡囡的背景，如此下筆，文章會實在一點，而不至於太「虛」。不過事實是，十個囡囡，九個不太會，或者不願意說話，結果，回應多是：「唔識講啦，不如你自己寫啦！」骨女A算是例外的一個，她並非能言善辯，但起碼，肯講，「嗰啲女同你唔熟先唔講啫， 平時喺小姐房，真係雞啄唔斷o架。」
第一次見面，骨女A就告訴我她的背景，十年前新移民嫁到香港，一心以為可以享福，殊不知老公賺不到錢兼大男人，長時間家嘈屋閉，最後離婚收場，「咪跟個姊妹出嚟骨場做囉，咁我以前都做過呢行，基本上都應付得到嘅。」骨女A說慶幸自己沒小孩，不然都幾麻煩。後來跟骨女A碰過幾次面，熟落了，她說得更多，「你唔好同公司講呀，其實我仲有一檔上樓骨喺出面，同一位姊妹合租，我呢邊收咗工，咪過去返工囉，瞓埋o架啦！」後來與骨女A失去聯絡，也沒有再遇上，不知她今日情況如何？
撰文：黃韋龍