以前能夠住五星級酒店已經好威水，亦係身份嘅象徵，但係家陣已經有酒店去到六星級，甚至係七星級喇！而喺日本寫真界，女優嘅寫真作品能夠攞到五星級，則代表佢哋獲得高度評價，至於小瀬田麻由就被譽為屬於六星級，的確巴閉！
日本寫真女優有肥有瘦，有高有矮，亦有大有細，不過，要搵到一個高挑得嚟胸大，胸大得嚟唔過火，仲要貌美如花嘅女優，其實就唔係好多，喺過往嘅寫真女郎當中，小弟只係諗起井上和香，而喺新一代之中，相信好多寫真迷同小弟一樣，屬意小瀬田麻由為當今日本寫真界嘅完美之女！22歲嘅麻由妹樣子清新可人，笑起嚟散發出令人甜絲絲嘅感覺以及陽光氣息，唔笑嘅時候又化作神態懾人嘅輕熟女，種種姿態都咁迷人，令男人心如鹿撞！麻由妹嘅身材同樣堪稱一絕，身高5呎5吋，都算高挑，胴體纖巧又婀娜，擁有一對純天然堅挺又彈手嘅極品F奶，以及大小適中且圓潤光滑嘅一等一美臀，莫講話喺寫真界，想喺全世界搵到第二個好似麻由妹呢副咁完美嘅胴體都好難！
小瀬田麻由出道拍水着寫真之前，由於自小就學習跳舞，故憑一身舞藝成為唔少歌手上台演出時背後嘅女人，亦即係伴舞女郎。及後，麻由嘅美貌同身材被賞識，成為模特兒並且開始拍寫真。麻由身材如此誘人，其水着寫真一出就令人驚艷，推出嘅兩隻寫真映像作品，更霸佔網購網站亞馬遜嘅寫真映像銷量榜冠軍位置！銷量成績理想之餘，粉絲對其作品全部都係給予最高嘅五星評價，不過有寫真業界人士表示五星級已經唔足以容形麻由，應該評為六星級至係最貼切！近期，麻由除咗忙於拍寫真，亦重操故業繼續舞動完美胴體，因為佢最近成為女子團體「上野貓熊島Bikini's」嘅團員，換上閃亮嘅比堅尼喺舞台載歌又載舞，觀眾們真係有眼福喇！
簡介：小瀬田麻由近期工作非常繁忙，除咗出席攝影會，仲要為雜誌拍寫真，拍攝完畢之後，麻由都會將拍下嘅精彩照片上載到Twitter同大家分享，粉絲們唔好錯過啦！
網址：https://twitter.com/kstmayu
撰文：賢