狂野又激情嘅成人漫畫，固然可以睇到人血脈沸騰，但係一啲純愛嘅小品，卻畀到人回味之感。成漫都可以玩純愛？想知點樣大灑鹽花得嚟，又可以有純愛滋味，睇完呢本由日本純愛系大師MARUTA推出嘅成漫單行本《與天邪鬼戀愛》，自然能明白箇中原因。
早喺1999年MARUTA就以筆名「天野雨乃」活躍於成人漫畫同人界，當時佢憑住細膩嘅筆觸繪畫成漫，不但創出極具個人風格嘅畫風，當中純愛故事更糅合咗少女漫畫味道，因此深得網民歡心。為咗令故事更能觸動人心，佢開始繪畫學園以外嘅情色題材，例如制服、野戰、戀物等。雖然鹽花場面有唔少，但故事主線仍然有淡淡嘅戀愛味道，尤其精於刻劃男女間嘅初戀感覺，意外地吸引到唔少女粉絲。
由於佢嘅作品實在出色兼具人氣，故很快獲得成人漫畫月刊《別冊Ace Five Comics》青睞，並推出首個作品《二人之絆》。以純情戀愛為題材加上細膩畫風，令佢嘅處女作獲得高度評價。雖然佢出道過程相當順利，但首本單行本則要等到2001年推出嘅《少女小惡魔系》。書中不但收錄咗佢自出道以來，先後喺成漫月刊發表過嘅單元故事，並為佢哋加上續篇。自呢本單行本後，佢出書嘅速度亦加快到近乎每年一本。
不過喺2005年，佢因私人理由而停工，並喺2006年再次出發，轉而喺成漫月刊《COMIC PENGUIN CLUB》及《COMIC快樂天》作為發表作品嘅基地。及後喺2007年推出嘅單行本《少女的味覺》獲得極大回響，而2012年12月推出嘅單行本《與天邪鬼戀愛》，更係歷來作品中銷量之最。
作為MARUTA推出嘅第7本單行本，《與天邪鬼戀愛》收錄咗先後喺成漫月刊《COMIC快樂天》發表過嘅作品，當中包括《天之邪鬼》、《無題 屋頂上的午餐》、《向日葵盛開的季節》前中後篇、《Steady X Steady》、《空蟬》、《One Piece Envy》及《戀上你的眼眸！》，合共7個單元及短篇故事。點解佢會為呢本單行本取名為「天邪鬼」呢？原來「天邪鬼」用嚟形容鍾意同人唱反調及個性彆扭嘅人，而呢本作品嘅男女都有呢種性格特徵，故以此作為書名。講到最值得推介嘅故事，非《向日葵盛開的季節》及《One Piece Envy》莫屬。
《向日葵盛開的季節》嘅男主角陽生，同鄰居少女葵青梅竹馬由細玩到大，每當陽生有時間都會去葵家嘅向日葵花田種花。時光飛逝，長大後嘅陽生早已離鄉去到東京，有一年陽生放假回鄉並重遇葵，雖然葵知道陽生最終會離開，但仍主動同陽生發生關係。感到迷茫嘅陽生，喺咖啡店同美女老闆娘日向小姐講出心底煩惱，卻莫名其妙同對方發生關係。陽生煩惱不堪之際再次遇到葵，佢最終會決定離開還是留下呢？
《One Piece Envy》嘅男主角阿巡，喺家鄉由父親經營嘅酒舖工作，由於工作繁重嘅關係，故經常羨慕其他人有拍拖時間。正當佢煩惱之際，美少女好友郁乃前來安慰，並提議兩人不如來一場約會。諗住去公園傾偈嘅兩人，不但解開彼此一直以嚟嘅心結，仲無意中愈坐愈近，滿腔慾火亦隨之爆發，一段戀情就咁樣展開。
漫畫名稱：《與天邪鬼戀愛》
作者：MARUTA
出版：富士美出版
頁數：192頁
撰文：魂