成語「東施效顰」，意思係模仿人哋，但係模仿得勁差，好似台灣嘅夜遊業咁，抄內地夜場以傳授壯陽技法嚟吸引客人幫襯，原來係搵笨。相反，日本人精於包裝，即使係舊玩意，經過改頭換面之後，客人大讚好玩又過癮，呢啲咪叫高下立見囉！
雖然農曆新年已經過咗有一段日子，但係仍然有唔少人未回魂，返工時渾渾噩噩，有人認為呢個時候最好莫過於去夜場玩餐勁，不論係邪K定係邪骨，總之各有各精彩，玩完之後令人醒神晒，而夜場嘅生意就因此旺起嚟。講就係咁講，事實又係點呢？據夜遊業界人士指，今年嘅生意情況比往年仲要差，一來受到經濟影響，客人唔願意豪花錢去玩，二來佳節過後，好多囡囡都未返工，喺選擇少嘅情況下，自然吸引唔到玩家嚟幫襯。不過講到最核心嘅原因，就係好多人都擔心喺呢段日子有關方面嘅尺度會收緊，中招風險高，因此都係少玩為妙。不過，業界人士補充指，生意淡靜情況主要集中喺2線同3線嘅城市，而一啲熱門嘅玩樂熱點，生意仍算唔錯。
夜場想吸引玩家，一定要識得搵賣點，台灣嘅夜遊業最近就以傳授持久壯陽術嚟吸引玩家，將玩家鍛煉成床上高手咁話。而佢哋廣告嘅口號亦相當出位，例如有美麗老師個別傳授壯陽房中術、筋脈鎖精、百戰不懈、現學現用等。如果真係確有其事，能夠學到一招半式梗係發達啦！不過呢啲擺明係噱頭嘢，當中一定有蠱惑。有玩家入場光顧後，發現所謂壯陽術，只係由年紀成熟嘅技師教玩家一啲呼吸吐納嘅技巧，然後叫玩家返屋企依法勤練，但係玩家練習咗一段日子，卻一啲效用都冇，實在係搵笨。老實講，吐納之法係咪有壯陽功效就唔知，只知道呢啲訓練方法太兒戲，難怪玩家會咁不滿。
日文中嘅「初心」解做無經驗，故此初心者嘅意思即解做初學者。對於有「M」傾向，卻從未試過箇中玩法嘅玩家嚟講，好多時會擔心喺過程中，因為囡囡太過粗暴而受傷，而日本有間老牌M男風俗店，被日本M系玩家選為初心者嘅樂園。呢間位於東京巢鴨嘅風俗店「Club Clarice」，早喺2008年開業，憑住美艷風俗孃同各種情趣制服及玩具，而深得M男嘅歡迎。一直以嚟口碑不錯嘅佢，更被玩家推舉為初心M男必去嘅風俗店，原因唔單止係風俗孃嘅服務夠貼心，仲有係佢哋遊後花園嘅技術高超。據玩家表示，風俗孃好識得帶領佢哋點玩，先用盡辦法令人放鬆，然後用情趣玩具突破從未開發嘅後門。唔少玩家指，試過呢種滋味後，往往令佢哋回味無窮。雖然佢哋講到好興奮，但非好此道嘅玩家，睇怕都未必有興趣。
撰文：魂