鮮花雖好亦要綠葉扶持先顯得嬌美，好多被認為屬於男人嘅運動，例如賽車及拳賽，為咗增加氣氛，都會搵美女擔任賽車女郎同舉牌女郎。而近期人氣爆發嘅安枝瞳除咗喺寫真界發展如意，喺賽車界同擂台上一樣撈得掂，原因當然係佢生得靚女，加埋極品巨股魅力十足，萬分迷人！
近期本地股市出現平穩向上迹象，希望呢次升幅唔係虛火，亦唔係氹人入局嘅陷阱，大家今年都可以喺股壇中大有斬獲啦！而喺日本寫真界，一眾巨乳嬌娃固然繼續挺胸起飛，但係以巨躉作為賣點嘅女優一樣搵到機會突圍而出，好似知名嘅巨股美人倉持由香、戶田玲等等都靠渾圓靚股而成功取悅觀眾，除咗佢哋之外，仲有今日為大家介紹嘅安枝瞳。
28歲嘅安枝瞳留有一頭清新爽朗嘅短髮，雖然就快30歲，但呢個髮型配合佢嘅標致五官及可愛氣質，睇落似20出頭嘅青春美少女。瞳妹面口生得甜美可愛，但係身材就火辣誘人，惹人遐想，原因並唔係上圍豐滿，而係屁股又圓又大，堅挺彈手，又白又滑，形如蜜桃，實乃股中極品！
10歲嘅時候，瞳妹母親因病逝世，自此佢同爸爸及妹妹三個人生活，而作為大女嘅佢當然要負責做家務同照顧妹妹啦！安枝瞳自言喺呢段日子中鍛煉出刻苦耐勞及堅強嘅個性，令佢日後喺工作上即使遇到困難都能夠撐過去。2009年瞳妹開始擔任模特兒，除咗拍硬照，亦喺遊戲展做陪玩女郎，後來佢嘅演出受到賞識，獲邀成為超級耐久賽車第13代代言女郎，一做就做咗4年。
同好多賽車女郎一樣，只要有質素就一定會獲得寫真界垂青，瞳妹就係咁樣入行拍寫真，2012年首次推出個人寫真映像作品，憑其美貌同極品靚股喺寫真界打響名堂。現時瞳妹繼續有做賽車女郎，亦活躍於擂台界做舉牌及形象女郎，同一時間瞳妹更作多方面發展，包括演出舞台劇及做歌手，唔少歌曲更由佢自己填詞添，認真多才多藝！
簡介：安枝瞳經常會喺Twitter同大家分享生活點滴，亦會上載好多性感寫真照，以及最新單曲，想欣賞瞳妹嘅身材以及歌藝，Click入去就冇錯喇。
網址：https://twitter.com/hitomi_yasueda?lang=ja
年齡：28歲
身高：5呎2吋
三圍：35-24-38
撰文：賢