好喇，踏入2017年，歐美四仔界最多人關心一定係嚟緊嘅頒獎禮，最佳脫星、最佳巨乳等嘅得主好快出爐，但話時話，點解冇頒發年度「最值得尊敬脫星」獎呢？如果有的話，睇怕都冇人夠Tasha Reign爭呢個獎囉！
喺歐美脫星界，有學養、索爆有齊架生，真正美貌與智慧兼備嘅囡囡確實唔多，除咗女神Dani Daniels外，Tasha Reign事必係最多人記得一位，佢係University of California性別研究學士學位嘅高材生，2014年畢業後投身脫星界搵食，而且用專業知識為四仔界謀取福利，遠嘅唔講，就早前嘅「No Prop 60」反安全套提案，Tasha Reign身先士率，四出開Talk同公眾講解利弊，閒時又經常去大專學府講解色情界現況，仲有一年一度嘅愛滋病步行籌款，阿姐都身體力行，聽聞佢以個人之名籌得逾10,000美元，好厲害！但咁瞓身又點，Tasha都要開飯，斷唔能夠一味為淫民服務嘅，雖然佢個人網站收入穩定，早年亦同情趣玩具廠合作出水晶後庭塞，再加上阿妹舊年11月喺網上撰文同大家分享跳舞騷對脫星嘅重要性，證明佢超爆騷，但話晒就快三張，都要認真為「錢途」打算！難怪佢趁住四仔界大盛事前，開多一個新賣物網站「shoptashareign.com」賣Tee，男女款都有，坦白講啲Tee嘅所謂設計只不過將阿姐嘅嘜頭印上去，有露點版同乾淨版，Size由細碼到加大碼都有，每件售22.95美元起，兩舊水港紙唔使睇落好抵，但諗深一層，呢個價夠畀阿姐官網月費，爽足30日啦！咁好明顯此舉純為搵真銀，Tasha Reign賣吓衫就袋袋平安，總好過定時定候拍寫真玩直播又砌又磨咁辛苦啦！
查實好似Tasha Reign呢類去到事業「樽頸位」嘅脫星，脫離正職做周邊生意無可厚非，事關佢哋粉絲人數冇可能再爆升，而幕前表演可以做嘅都做晒，唔諗計保住收入，遲早連渣都冇，細佬唔敢講Tasha出Tee冇誠意，但咁求其推個網站出嚟，有違Tasha姐一向追求公義形象囉！當然自認粉絲嘅不妨買兩件Tee以表支持，只希望佢唔好忽然商業化乜都利字當頭啦！而網民對Tasha Reign推出「個人品牌」似乎唔太支持，有網民認為阿姐應該同其他街牌玩Crossover，嗌價應該更高，對於選擇喺呢個檔期推出，有人認為佢計過度過，事關今期AVN全民票選獎項中，阿姐連「Favorite Female Porn Star」都冇份人圍，頂盡得個「Most Spectacular Boobs」角逐吓，但係勝出呼聲唔高，假如唔為自己製造啲話題性，睇怕下年都冇人記得佢囉！
撰文：祖