復出脫星邊個最勁？

Briana Banks 提名最佳熟女

紅爆千禧年代嘅德國妹Briana Banks，喺今年年初無聲無息離開四仔界，有傳阿妹去嫁人生仔，但喺5月佢喺社交網再度活躍起來，8月宣告復出，仲簽咗Society 15為經理人公司，被傳媒問到點解復出，Briana只係話因為有好多個人理想要實現，既然退役多年波哋都仲咁Fit，出返嚟拍四仔係唔錯選擇，但對於感情及財政狀況，Briana則隻字不提，莫非係佢太大使，唔夠錢過退休生活？點都好啦，阿妹今年38歲，仲可以玩多幾年，況且佢一話復出，多間大廠都爭住搵佢砌，包括Girlfriends Films及Evil Angel等，更喺「AVN Award 2017」獲提名「最佳熟女」，睇嚟仲有好多人撐佢！

Brett Rossi 力戰黑人

提到Brett Rossi，冇睇四仔嘅都會識佢，佢就係荷里活男星查里辛條舊菜，兩人去到談婚論嫁階段，最後分手收場，因為失去咗大靠山，Brett Rossi宣布重返四仔界搵食，仲得到前輩Kayden Kross賞識，拉佢去自己間製作公司演出男女片《Brett Rossi Is Delicious》，呢套四仔堅係正，更引發多間片廠爭女，而Brett Rossi再下一城，喺8月中於Blacked.com同黑人男優爆盡前後門。

Hillary Scott 砌到七彩

Hillary Scott絕對係經典中嘅經典脫星，好簡單，現年33歲嘅Hillary，喺2010年經已演出超過640套四仔，床戰過千鑊，床上可以玩嘅佢都玩過晒，曾經捧走「XBIZ Female Performer of the Year」大獎，你話邊個夠佢淫亂先？早成名早引退表面係好事，可惜由人生最高處跌番落嚟未必人人接受到，結果Hillary Scott今年宣布復出，替Girlsway女同廠擔正演出《Transmission》，喺戲中佢同新女Samantha Rone磨到七彩，未睇過Hillary Scott嘅四仔迷仲以為佢係新女添！

Jenny Hendrix 冇人認得佢

Jenny Hendrix喺9月宣告復出，之但係冇人記得佢曾經捧走AVN最佳脫星獎，你話係咪慘先！又難怪嘅，當年阿妹無論樣貌及架生都好一般，今日重返幕前，成個人索咗Fit咗，睇完都冇人信係同一個人，咁你叫四仔迷點認得佢先？最抵死係Jenny喺復出訪問中拖埋老闆娘Kendra Lust落水，話同對方係多年好姊妹，如非得到Kendra誠意力邀，絕對唔會返出嚟執劑喎！如果係真，咁Kendra Lust真係害人不淺喇，事關到目前為止，Jenny Hendrix都係行行企企，仲未有碟派街，得閒就去夜場做騷，若然復出都係咁，不如唔回歸好過啦！

大跌眼鏡

復出嘅脫星仲有好多，但成績就跌到一地眼鏡，好似7月時Brooke Banner以全新之名Brooke全面回歸四仔界，奈何冇乜人吼佢，惟有靠做伴遊維持生計。又有麻煩女Dakota Skye喺2015發老脾退役，一年後復出，早前仲玩埋結緍，以人妻脫星落場砌，但都係谷唔起。仲有一位捱極都上唔到位嘅Kristina Rose，去去留留都唔知幾多次，今年話考慮清楚要努力喪砌，早前喺Elegant Angel擔正《Kristina Rose Is Slutwoman》，人氣無變一樣咁低，即係得個做字囉！

撰文：祖