《閃亂神樂》系列今年9月推出手機遊戲《閃亂神樂 New Wave G Burst》後，不但喺日本嘅宣傳攻勢一浪接一浪，未來仲計劃推出大量模型。繼早前公布嘅巨乳角色雪泉後，明年3月另有一位巨乳角色登場，佢就係冷艷美少女斑鳩！呢位喺遊戲中以日本刀制霸嘅富家千金，經常手執家傳日本名刀「飛燕」，只係喺最新模型作品中，佢卻除下密實嘅衣着，以超性感比堅尼造型示人。
須知道斑鳩胸前偉大，奈何喺遊戲中露乳溝嘅畫面並唔多，今次化身成比堅尼女郎，一對巨乳固然係模型焦點，嗰條勁深嘅事業線更加誘人。此外，模型嘅甫士將巨乳魅力進一步提升，一個彎腰甫士不但令巨乳有呼之欲出之感，從後面睇佢嘅圓渾美股更係賞心悅目，絕對係個為視覺帶嚟極大清涼效果嘅作品。
全高：約230mm
售價：￥14,040（約HK$934）
發售日期：2017年3月（暫定）
撰文：魂