唔知點解日本嘅成人遊戲中，總係有神社巫女嘅角色，唔知唔緊要，只需知道呢啲角色向來極受粉絲愛戴。日本成人遊戲廠Studio e.go!，最近推出以巫女擔正嘅十八禁新作《輪迴世界中永恒的誓言》，讓好此道者能夠盡情享受。故事講述位於深山嘅「天住神社」，經歷一次毀滅性大火後，喺居於神社嘅4姐妹努力下，神社終於重建完成，並且繼續佢哋嘅使命─討伐山林妖邪。不過喺一次同妖邪戰鬥中，4姐妹遇到一位神秘男子，對方只記得自己個名叫那由太，其他記憶全部冇晒，喺咁嘅情況下，4姐妹決定畀那由太喺神社暫住，並且參與佢哋嘅討伐妖邪行動，為振興神社而努力。正當眾女同那由太漸生情愫，並且發展進一步關係之時，佢哋感覺到愈嚟愈多妖邪出現嘅背後，似乎同某人有關，只係呢個人究竟係邊個呢？