要成為一本成漫迷喜愛嘅作品，不僅要有美艷女角色同鹽花場面，仲需要多方面配合。好似喺日本人氣極高嘅成人漫畫家Yoshiron，不但擅長繪畫巨乳美女同色氣劇情，仲用上大量精妙嘅音效字，令鹽花場面變得更加立體，難怪佢嘅處女成漫單行本《Captivity BOX》，獲得高度評價。
Yoshiron喺千禧年後活躍於成漫同人圈，雖然當時佢嘅畫工同故事鋪排技巧只屬一般，但喺努力鍛煉同創作下，漫畫水平不斷提升，筆下美少女不但萌度極高，長相更顯甜美，身材玲瓏浮凸，尤其係一對巨乳，更令人賞心悅目。講到佢最令成漫迷雀躍嘅地方，肯定係運用音效字嘅功力。
所謂音效字，就係喺漫畫嘅擬聲字，常見嘅不外乎（口依）（口依）哦哦、噗唧噗唧等。為咗可以帶畀成漫迷更大嘅幻想空間，Yoshiron敢於創作唔同音效字同發音，並成功將之糅合喺成漫作品中，結果令佢喺同人圈嘅人氣愈嚟愈高，仲喺2010年10月成漫月刊《COMIC快樂天》舉辦嘅「第27回快樂天新人漫畫王」比賽中，獲得第二名嘅公主賞！獲得漫畫界認同後，佢以《COMIC 快樂天》作為發表作品嘅基地，並參與成人動畫《放課後淫美調律》及成人遊戲《千年戰爭AEGIS》嘅角色設計工作。
雖然佢喺成人ACG界人氣愈嚟愈高，但講到首本成漫單行本作品，卻要等到2013年9月推出嘅《Captivity BOX》。呢本被成漫迷稱為引頸以待嘅作品，一推出便獲得極大好評，更成功打進成漫銷量榜第1位！可惜自呢本單行本後，由於Yoshiron專注於動畫及遊戲嘅設計工作，故此成漫生產速度減慢咗好多。
《Captivity BOX》作為Yoshiron嘅首本成漫單行本，書中收錄咗佢自出道以嚟，喺成漫月刊《COMIC快樂天》發表過嘅12個單元故事，當中包括《媳婦榨汁》、《乒乓球情侶》、《花兒有刺》、《污穢的泳衣》、《慕乳白書》、《教練》、《義妹之味》、《囚禁BOX》、《罪與蜜》、《秘書濕濕》、《大嫂》及《戀愛奴隸》。每個被收錄嘅故事都係上乘之作，淫聲不斷嘅同時，交鋒場面更係濕度極高，尤其係《乒乓球情侶》同《花兒有刺》兩個故事，絕對係不能錯過嘅佳作！
《乒乓球情侶》嘅主角悠太同小葵夥拍另一對情侶，4個人一齊去溫泉旅館度假。雖然悠太同小葵拍咗拖一段日子，但兩人始終未有進一步發展，悠太諗住趁呢次度假機會，挑戰小葵打乒乓波，藉此表現自己嘅男子氣概，估唔到原來小葵以前係乒乓球社嘅主將，輸得一敗塗地嘅佢冇晒自信。小葵笑稱如果悠太可以喺佢身上得到一分嘅話，就答應悠太任何要求。悠太聞言即刻戰意重燃，並且把握住小葵一次大意嘅機會，成功獲得一分！究竟小葵會否履行承諾，任由悠太擺布呢？
《花兒有刺》嘅男主角景山物一郎係溫泉旅館白揖樓嘅第三代話事人，跟美艷巨乳太太陽彩子及旅館創辦人景山爺爺，憑住優美環境、優質食物同貼心服務，深受旅客讚賞。不過原來人前溫柔嘅陽彩子，人後卻係非常霸道，因而引起景山爺爺不滿，於是叫物一郎好好教訓吓太太。一直受到陽彩子欺壓嘅物一郎，鼓起勇氣訓示太太，結果如佢所料換嚟對方嘲笑。物一郎氣憤下決定重振夫綱，以兵器向對方進行調教，只係結果卻出乎意料之外。
漫畫名稱：《Captivity BOX》
作者：Yoshiron
出版：Wani Magazine
頁數：194頁
撰文：魂