乜咁熟口熟面，唔知喺邊度睇過嘅？無睇錯，你真係見過！而細佬喺上年都怒插過呢啲所謂Figure囉！滿以為當日潮流興3D打印，熱潮過咗就收檔啦，點知原來係愈玩愈大，當日得幾位歐美脫星參與，一年過去連Wicked Pictures嘅三巨頭Jessica Drake、Stormy Daniels及Asa Akira都瞓身撐，唔着衫全裸公仔輪流上架，咁都未止，從官網所見旗下二三線脫星亦陸續推出Figure，唔知大家有冇興趣呢？
3D打印脫星Figure唔係唔好，但麻煩都畀啲誠意，否則畀你呃完一鑊，好難再吸引人買多隻公仔囉！呢啲脫星Figure唔J得只可以作擺設，最大問題係完全唔似真人，價錢仲賣得貴，但公仔就做得咁鬼肉酸，莫講話生產商被鬧爆，其實脫星都有責任囉！舊年5月，細佬介紹過「蜘蛛女」脫星Bonnie Rotten推出3D打印公仔，同期仲有幾位歐洲脫星都推出Figure，生產商德國打印公司Eroticart-Shop對於脫星公仔信心爆棚，仲話深信粉絲會幫襯，除咗推出脫星公仔，連男優公仔都出埋，究竟會吸引到男粉絲定女粉絲買呢？真係唔知喇！事關網上討論區唔覺有人開箱分享，咁大家一定會問點解唔Hit都仲要繼續出Figure呢？之唔係背後有大廠Wicked Pictures撐腰囉！
咁大家應該明白晒，點解最近會推出Wicked Pictures三大台柱脫星Jessica Drake、Stormy Daniels及Asa Akira嘅公仔啦，仲整多個網站「PrintYourPornstar.com」宣傳，細佬估計係因為Wicked Pictures想靠三位阿姐製造熱潮，打後會推出更多旗下脫星嘅公仔，從網站所見，的確有好多二三線嘅脫星公仔「Coming Soon」囉！之但係咁噃，同一間生產商製造，做工質素冇變，唔好話細佬有偏見，巴打可以自己睇睇，咁你明咩叫「崩壞」，簡直破壞女神形象呀！
不過，如果你認為四仔廠搞3D公仔係掟錢落海，咁你就太天真喇！Wicked Pictures嘅四仔直銷全球又點會死得人吖，其實係廠方一系列搞作嚟咋。話說喺舊年1月舉行嘅性博覽，Wicked Pictures派出Jessica Drake、Stormy Daniels及Asa Akira企出嚟撐攤檔，當時力谷真人公仔「RealDoll」 ，三位阿姐各企喺自己嘅公仔前任傳媒喪影，坦白講「RealDoll」仿真度相當高，售價6,749美元一個，約5萬多港元，貴到飛起！廠方當然知道唔係人人負擔得起，所以今年3月推出由三位阿姐合作嘅四仔《Sexbots: Programmed For Pleasure》，話就話係佢哋扮演機械人，其實片中四幕大戰都有佢哋嘅RealDoll出場，有一幕仲係「自己搞自己」添呀！玩到咁盡，粉絲點忍得住手唔買番個先！至於買唔買Figure？由你話事！
撰文：祖