無論係人、事、物，名字都十分重要，所謂名不正則言不順，因為名字不但具有代表性，更能夠喺人嘅腦海建立和勾起回憶。只是隨着時間過去，有時識咗一段日子嘅人，或者陳年老遠發生嘅事，真係未必記得起。今次一於以名字同Name為題，睇吓佢哋喺情慾世界有乜特別意思！
唔知大家仲記唔記得，喺《哈利波特》入面有位「不能說出名字的人」呢？原來喺英國情色俚語中，女性身體有個部位同樣被冠以「Nameless」稱號，即係無名咁解，呢個部位就係女性嘅生殖器官。呢個早喺英國維多利亞時期已出現嘅暗語，因為當時嘅人覺得如果直接講出生殖器官，係一種好唔得體嘅事，情況就等同舊陣時唔會將屎字掛喺口邊，改以「米田共」、「茄」等取而代之。除咗Nameless外，當時嘅英國人仲會稱女性生殖器官為「The Name-it-not」。至於男人嘅兵器，亦有佢自己嘅暱稱，就係「Nameless Thing」，不過隨住文化觀嘅改變，家陣已甚少人用呢啲詞語。
花名、藝名、網名等嘅名字大家就聽得多，只係「Sex Name」呢個直譯做性名嘅詞語，大家又聽過未呢？原來喺美國嘅搵食界，亦即係經常喺派對或場合中獵艷嘅男女，都會為自己改番個「Sex Name」。理由好簡單，既有隱藏自己真正身份嘅目的，又能區分對方喺邊個場合識到。不過有美國玩家建議，「Sex Name」唔好改太多，否則好容易混淆咗自己咁話。
話說回來，美國早前有網站，進行咗個關於女性性感名字嘅調查。佢哋發現最能令男士一聽就覺得對方係性感女性嘅名字，就係「Sophia」！調查指「Sophia」有多種唔同串法，包括 Sofia、Sophie等都歸入此名之下。點解網民會覺得呢個名字性感呢？原來唔少荷里活經典美艷女星，都係同呢個名有關，大家不妨研究一下。
美國四仔界每年有過千套作品推出，《A Whore With No Name》能夠被極具公信力嘅四仔產業媒體AVN，選出成為「Top 500」必睇經典之作，就知佢嘅來頭幾勁！呢套由美國四仔片廠Legend喺2003年推出，由著名四仔導演Jerome Tanner執導，並搵嚟當時炙手可熱脫星Hannah Harper擔綱演出嘅作品，至今仍然有唔少四仔迷視之為經典。除咗因為此片獲名導主理外，當年嘅Hannah簡直係艷壓整個四仔界。
呢位1982年7月4日生於英國嘅脫星，喺2002年嘅NightMoves頒獎禮中，獲得由四仔迷票選出嚟嘅最佳新進脫星獎。全力喺美國發展嘅佢，不但喺四仔界獲得極大成就，演而優則導時，更研發並推出個人品牌情趣用品，甚至進軍主流電影界。講番套四仔，劇情其實都幾特別，講未來世界嘅妓女，已經變晒用複製人技術造出嚟。正當男人以為佢哋只會默默接受，成為發洩性慾嘅工具時，原來佢哋已默默起革命。
日本AV女優冬月楓同松島楓，兩個人個名差咁遠冇理由會撈亂，點知現實中真係有唔少AV迷將佢哋搞亂。時至今日喺唔少日本AV討論區，仍然見到有網民問點分佢哋兩個，點解會咁嘅呢？除咗因為佢哋個名有啲似之外，亦因為喺1988年9月14日於日本大阪出生嘅冬月楓，喺2007年12月以Premium專屬女優身份推出處女作《現役賽車女郎絕頂潮吹AV登場！！》時，咁啱撞正松島楓引退之日。
此外，兩位女優個樣又真係幾似，加上身材同樣以薄身作賣點，最似嘅就係兩人三圍同為33-23-33！種種巧合嘅相似，咪搞到班AV迷好亂囉！雖然唔知松島楓介唔介意人哋搞亂佢哋，但好肯定冬月楓一啲都唔介意，皆因佢可以名正言順接收松島楓嘅粉絲。人氣高企嘅佢，喺2014年12月以AV女優偶像團體「SEXY-J」成員身份進軍樂壇，並喺去年嘅DMM成人獎中獲得「最優秀女優獎」提名，發展真係相當唔錯。
撰文：魂