每當我哋形容一位令男人為之着迷卻又帶點邪氣嘅女性時，總會用妖精、 惡魔等詞彙。今次介紹嘅模型，係嚟自日本人氣遊戲《偶像大師 灰姑娘女孩》眾多女角色之一嘅新田美波，模型被冠以「夢境小惡魔」之名，配合純情樣貌別有一番味道。美波能夠成為人氣女角色，除咗因為甜美嘅樣貌和氣質之外，激凸上圍亦係一大賣點。為咗配合小惡魔嘅身份，佢嘅頭上和背部更分別多咗可愛嘅惡魔角和尾巴。講到模型最為亮眼嘅地方，一對雪白大腿固然吸睛，性感嘅洋裝不但展現其火辣身材，露出南半球嘅透視設計，更令人想入非非。不論係咪呢個遊戲嘅粉絲，肯定都會被呢位小惡魔吸引。