男士們都希望女方喺床上主動少少，但係有調查發現女仔最想男士出多啲力。提到上床，有研究發現如果能夠以滿足對方嘅性需要為優先，彼此關係會更長久更愉快。潮吹喺AV成日都見到，但喺現實中到底係咪會發生潮吹？當中又有咩秘訣呢？
女人心態有時都幾矛盾，又想男友努力返工搵錢，等大家嘅將來更富足，但係又希望男友可以抽多啲時間陪伴，男友話要加班唔得閒，女友一定會話：「你家陣鍾意份工定鍾意我呀？」又或者話：「做少啲會死咩！」不過，男人都一樣咁矛盾，我所指嘅係做愛嘅時候，男人都希望可以憑實力征服女方，但係又希望女方唔好咁被動！其實男士們千祈唔好怪責女方呀！早前加拿大有一個調查訪問咗當地799位平均年齡為30歲嘅女性，以了解女士們嘅床上意慾，結果顯示最多女性想喺屋企以外嘅地方交歡，例如係辦公室，咁又係，成日喺屋企間房做愛又真係幾悶。其次係希望可以得到被男方以強者姿勢征服嘅快感，雖然女仔係咁諗，但係男士們加強氣勢好喇，千祈要憐香惜玉，動作唔好咁粗暴呀！第三位竟然係期待3P混戰，第四位則係同伴侶玩綑綁遊戲，至於第五位就係想同陌生男人上床。噢！真係估唔到佢哋咁開放。
小弟一向都好尊重女性，所以同女仔拍拖都規規矩矩，唔會亂講說話，亦唔會手多多，更加唔會成日諗住同對方上床。之不過，經過多次分手之後至知道，其實愛的確唔係只得個講字，而係要用實際行動去做，因為每個前女友都話我份人冇情趣又唔了解佢哋嘅需要，我相信佢哋係講緊性需要，因為我憶起佢哋曾經多次作出性暗示，只係當時我捉唔到其用意，亦諗住唔會咁容易「得米」，故此未曾有親密接觸。早前，多倫多大學搵嚟多對伴侶協助進行一個為期三星期嘅研究，發現男女之間達到性愛平衡可以令關係更加長久，同時發現大家如果重視對方嘅性需要，喺床上以滿足對方為優先，令感情關係延長及更加愉快，換言之性愛有助於愛情滋長，如果我早啲知道家陣就唔使做單身漢啦！
如果大家睇日本AV嘅年資有番十年八載，會發現女優嘅質素愈來愈高，巨乳妹亦愈來愈多，而小弟更發現另一個重大改變，就係識得潮吹嘅女優愈來愈多！以往擅長潮吹嘅有紅音螢、紫彩乃，但係家陣就多不勝數，大槻響、明日花綺羅、廣瀨奈奈美等等，個個都可以噴出大量泉水，場面令人嘖嘖稱奇。雖然係咁，大家對潮吹依然有好多疑問，早前女性向AV廠「la Coviluna」嘅女社長杉澤志乃現身說法，講解潮吹是如何煉成。志乃姐指出有調查顯示約有3成多嘅女性曾經試過爆發潮吹，而90後嘅女性約有一半試過。志乃姐亦表示女性想潮吹，喺事前一定要吸收大量水分，佢話曾經見過一位潮吹女王事前狂飲6公升清水。另外，志乃姐又話佢平常都經常出現潮吹，而飲完酒之後機會率就會高好多。女方嘅動作亦相當重要，最好就係擺個「M字張腿」姿勢畀男方抽送或施以指技刺激，但係刺激之前一定要做足前戲，好等快感逐步累積，令身體達到最興奮嘅狀態，各位男士收到未？
撰文：賢