網友話脫星做總統呢個世界就有真和平，唔係發噏風o架！嗱，老特就話上任第一件事係退出TPP「跨太平洋戰略經濟夥伴關係協定」，簡單講即係實行貿易保護主義，乜都「美國優先」！呢啲嘢細佬就唔識喇，我只係睇到連脫星都講全球化年代，身為挪威人嘅Vicky Vette，居然喺美國着住印尼波衫撐印尼隊，你估佢又為乜呢？
利字當頭，邊度有錢搵就去邊度，好合情合理！現年51歲挪威脫星Vicky Vette最深明此道，佢嘅立場係保護自己人，同時尋求最大個人利益，好難？其實一啲都唔難，你照跟阿姐嘅成功方程式咪得囉！早喺2003年以38歲熟女之齡由挪威殺過美國做脫星嘅Vicky Vette，自稱熱愛自由、追求性愛快感、爭取女權主義乜乜乜，但傳媒踢爆佢其實係受失婚打擊，才搬離傷心地同時向前夫報復，點都好啦，今日阿姐佢咁成功，講乜都係啱嘅！
一個稱得上「成功脫星」，至少喺當地無人不識，而Vicky Vette唔只喺美國、歐洲，挪威都有粉絲，就連亞洲都有地盤，一個脫星可以咁威水，夠爆未？的確好爆，但唔係靠副偈，而係靠食腦呀！2012年Vicky姐早已突破演出100套四仔，佢喺訪問坦言砌到腳軟，長此下去身體都支撐唔住，但又唔想唔做，於是佢組成一隊四仔軍團「VNA Army」，透過互聯網招攬全球有志喺色情界搵食嘅囡囡，再喺佢嘅官網演出。呢招真係醒到爆，Vicky姐只係提供平台，就有囡囡主動幫佢搵錢，同時令佢日日見報，又令四仔迷留下深刻印象，你夠膽話佢唔醒？
當然成功都要睇手女質素嘅，Vicky喺訪問中解釋，唔係阿豬阿狗都可以加入「軍團」，要經過佢同一班「軍官」，包括好姊妹Puma Swede、Julia Ann、Nikki Benz及Jelena Jensen等知名脫星嚴格挑選，呢班姊妹亦係「VNA」嘅開網功臣！而「VNA軍團」發展得好快，由小貓三四隻到依家一日24小時都有過百囡囡在線喺「VNALive.com」表演，秒秒鐘都有錢收，呢盤生意真係發達！最近有新聞報道話「VNALive.com」已突破10,000場真人騷，Vicky姐更誇口話好快會踏入10萬場，到時佢唔打入女性權力榜，都應該係世界百大富婆啦！
另一方面，Vicky為爭取女性權益、為女性製造工作機會，而被封為「救世主」，認真巴閉！講到呢度，查實Vicky姐早就「印印腳」歎世界啦！但係佢好勤力，應該話係貪心，堅持要繼續擴大色情版圖，除咗不停簽新女，佢仲好落力為「VNA」落床砌，莫講話50歲未言退，睇怕60歲都長做長有呀！
Vicky同老特嘅共通點都係生意人，喺全球都有插旗，但阿姐佢唔玩「保護主義」，好似早前阿姐喺Twitter晒咗張着住印尼隊嘅波衫相，細佬諗極都唔明阿姐搞乜？起底先發現，原來喺2011年，阿姐曾演出當地一套驚慄電影《Pacar Hantu Perawan》，係女主角嚟o架，就區區拍過一套爛片都咁關注印尼，可想而知阿妹目的為乜啦！咪就係引嚟當地傳媒報道，免費幫佢宣傳囉！
撰文：祖