日本成人漫畫吸引之處，唔單止有令人興奮嘅色慾場面，更在於佢能夠滿足大家嘅幻想。如果鍾意睇創意十足，既有靈異元素又有科幻風格嘅成人漫畫，咁就要推介公認為「奇想天開」嘅成漫家蒟吉人，佢最具人氣嘅作品《Bitch Trap》絕對唔可以錯過。
如果大家有留意日本成漫界，會發現當今主流劇情都係同愛情有關，只係呢類題材睇得多都會悶，喺咁嘅情況下就顯出蒟吉人與眾不同。早喺千禧年期間，佢已經活躍於漫畫同人界，只係當時佢喜愛繪畫巨乳女角，創作題材都係圍繞科幻為主，當中夾雜一些靈幻作品。及至2005年，佢開始創作成人漫畫，並喺多個漫畫圈發布同人誌，喺呢段期間佢仲為十八禁遊戲進行人設工作。
講到佢正式喺成人漫畫月刊發表作品，則要數到2008年，佢喺偶然機會下獲得成人漫畫月刊《COMIC饕餮》邀請，自此佢以呢本漫畫月刊為發表基地。透過呢個平台，佢嘅作品接觸到更多成漫迷，亦令讀者見識到呢位擁有豐富想象力及一流畫功，並擅長將搞笑橋段糅合作品嘅成人漫畫家。當時嘅成漫評論網都以「奇想天開」嚟形容佢，皆因佢嘅創作題材不時夾雜科幻同靈異元素，總能夠帶畀成漫迷驚喜。
對於想收藏單行本嘅粉絲，要等到2010年3月先至有首本輯錄佢作品嘅《HONEY DIP》。其後佢喺成漫月刊《COMIC PENGUIN CLUB》發表作品，並喺2011年4月推出第二本單行本《Bitch Trap》，呢本作品令佢人氣爆升。之後還推出《HONEY DIP 2nd LOVE》、《Indecent Books》、《不自願和姦》等作品，全部位列成人漫畫單行本每月銷量嘅頭五大，從銷量可見佢嘅人氣有幾高。
《Bitch Trap》收錄咗《Unconfirmed Falling Object #1》、《Unconfirmed Falling Object #2》、《百發百中之女》、《USAMASA》、《USAMAMA in school》、《夜鷹TAXI》、《崖上之女》、《UMABUNNY》、《復活自殺男》同《初姊》合共10個喺2009年4月至2010年10月期間，於成人漫畫月刊《COMIC PENGUIN CLUB》發表過嘅短篇成人漫畫。充滿色氣同幻想空間嘅單行本作品，透過搞笑劇情帶畀成漫迷與別不同嘅體驗。要數最為人津津樂道嘅短篇，絕對唔可以錯過書中收錄嘅《Unconfirmed Falling Object #1》同埋《百發百中之女》。
《Unconfirmed Falling Object #1》同佢嘅標題簡寫UFO一樣，以一對從UFO流落地球嘅新婚外星夫妻講起。話說呢對怪男配美女嘅新婚夫妻，本嚟諗住去太陽系邊緣度蜜月，點知因為瞬間移動器發生故障，結果墮落男主角屋企。男主角本嚟諗住同呢對夫妻作友好交流，點知佢哋不但目中無人，更稱男主角做野蠻人同低等種族。氣憤莫名嘅男主角於是叫整爛咗間屋嘅對方賠錢，點知外星人話佢哋冇咁嘅責任，於是男主角一氣之下，決定要對方用身體作出賠償！
《百發百中之女》嘅女主角係個美艷巨乳女殺手，並擁有超強射擊技術，可說是殺手中嘅精英。有日佢喺天台諗住完成委託之際，身邊卻出現一個企圖輕生嘅男人。雖然自殺男冇諗住阻止女殺手，但對方卻擔心自殺男跳咗落去嘅話，會吸引警方上天台調查。眼見目標人物仲有10分鐘先至出現，於是女殺手對自殺男進行色誘，以圖引誘對方從欄杆走返入嚟，然後趁機殺死佢。不過自殺男並無被騙，反而叫女殺手走出欄杆同佢曳曳。究竟喺呢場鬥智鬥力嘅色誘大戰中，邊個至係勝出者呢？
漫畫名稱：《Bitch Trap》
作者：蒟吉人
出版：富士美
頁數：198頁
撰文：魂